كونفەرەنسيا باعدارلاماسى بالالاردىڭ ەرتە دامۋى؛ XXI عاسىر مەكتەبى جانە داعدىلارى؛ سيفرلىق ۋنيۆەرسيتەت، كورپوراتيۆتىك وقىتۋ، EdCrunch Stage، EdTech نارىق جانە ينۆەستيسيالار؛ EdCrunch Night – edutainment event (ءبىلىم بەرۋ شوۋى) سياقتى ترەكتەردەن تۇرادى. نەگىزگى تاقىرىبى – «جاڭا ءبىلىم بەرۋ تاجىريبەسىن جوبالاۋ» (Learning experience design).
كونفەرەنسيا قاتىسۋشىلارىنا ارناعان سوزىندە مەگاپوليس اكىمى ب. ساعىنتايەۆ ۋاقىت سىن-تەگەۋرىندەرىنە دۇرىس جاۋاپ ىزدەۋ جانە جاڭا ءبىلىم بەرۋ تاجىريبەسىن قالىپتاستىرۋ ستراتەگيالىق ماڭىزى بار ماسەلەلەر بولىپ تابىلاتىنىن اتاپ ءوتتى.
– كۇن تارتىبىندە – ءبىلىم بەرۋ ساپاسىن دامىتۋ جانە ونىڭ نارىق پەن قوعامنىڭ ۇمىتىنە سايكەستىگى ماسەلەلەرى. وسى مىندەتتەردى شەشۋ ماقساتىندا ءبىز «الماتى 2050» جاڭا ستراتەگياسىن ىسكە اسىرامىز، ول بارشاعا اشىق، قازاقستاندىق تالانتتىڭ، تۋريزم مەن يننوۆاسيانىڭ ءوسىپ كەلە جاتقان ورنى ءۇشىن ادامورتالىق قالا قۇرۋعا باعىتتالعان، – دەپ اتاپ ءوتتى ب. ساعىنتايەۆ.
الماتى اكىمى ءورشىل جوسپارلاردىڭ باستى شارتى ادامي كاپيتالدى دامىتۋ ەكەنىن اتاپ ءوتتى.
– بۇل كرەاتيۆتى تاپتىڭ وزەگىن قۇرايتىن اقىل-ويى بار ادامدار. وتكەن جىلدان باستاپ قالادا ءبىلىم بەرۋ جۇيەسىن الەمدىك دەڭگەيگە دەيىن ودان ءارى دامىتۋعا باعىتتالعان دامۋ باعدارلامالارى ىسكە قوسىلعانىن اتاپ وتكەن ءجون، – دەدى ب. ساعىنتايەۆ.
كونفەرەنسيا جۇمىسىنا 25 ەلدەن 400-دەن استام سپيكەر قاتىستى. ەكى كۇن ىشىندە 150 ءسوز سويلەۋ، ساراپتامالىق سەسسيا، پانەلدىك پىكىرتالاس جانە شەبەرلىك ساباقتارى وتەدى. قاتىسۋشىلار پەداگوگيكالىق ديزاين سالاسىنداعى وزىق تاجىريبەلەرىمەن ءبولىسىپ، ءبىلىم بەرۋ سالاسىنىڭ بولاشاعى جانە جاڭا تەحنولوگيالاردىڭ، وقىتۋ سالاسىنداعى عىلىم جەتىستىكتەرىنىڭ اسەرى ماسەلەلەرىن تالقىلايدى.
سپيكەرلەر اراسىندا – سكولكوۆو باسقارۋ مەكتەبىنىڭ پراكتيكا پروفەسسورى پاۆەل لۋكشا، Fincraft Group حولدينگىنىڭ پرەزيدەنتى كەڭەس راقىشيەۆ، رەجيسسەر-سەناريست، تەحنولوگيالىق كاسىپكەر، Bazelevs كينوكومپانياسىنىڭ نەگىزىن قالاۋشى تيمۋر بەكمامبەتوۆ، LX Design پيونەرى، «ءبىلىم بەرۋ تاجىريبەسىن جوبالاۋ» تەرمينىنىڭ اۆتورى، LXD Canvas كونفەرەنسياسىنىڭ باعدارلامالىق ديرەكتورى نيلس فلور، Tan Media Group يەسى ارمانجان بايتاسوۆ، «ءسابي» قايىرىمدىلىق قورىنىڭ پرەزيدەنتى اسەل تاسماعامبەتوۆا، «ياندەكس» ءبىلىم بەرۋ جوبالارىنىڭ پروديۋسەرى اناستاسيا چۋكوۆسكايا، UWC Dilijan College ديرەكتورلار كەڭەسىنىڭ ءتوراعاسى ۆەرونيكا زونابەند، Lancaster Group اكسيونەرى جانە ديرەكتورلار كەڭەسىنىڭ ءتوراعاسى بەرىك قانييەۆ، «Altyn Qyran Foundation» قق قامقورشىلىق كەڭەسىنىڭ ءتوراعاسى يسلامبەك سالجانوۆ، Aitas.kz حولدينگىسىنىڭ باسشىسى سەرىك تولىقپايەۆ جانە تاعى باسقالار بولدى. كونفەرەنسيانىڭ باسىندا قۇپيا قوناق كلاسسيكالىق مۋزىكانى دارىپتەۋشى، كەڭەس جانە شۆەد دارىسكەرى-مۋزىكاتانۋشى ميحايل كازينيك بولدى.
