جارمەڭكەگە 160-تان استام جۇمىس بەرۋشى قاتىسۋعا نيەت ءبىلدىردى، ولار ءوندىرىس جانە قىزمەت كورسەتۋ، ونىڭ ىشىندە ساۋدا، قوعامدىق تاماقتانۋ، مەديسينا، ءبىلىم بەرۋ سالاسىندا 3500-دەن استام بوس جۇمىس ورىندارىن ۇسىندى. جارمەڭكەگە 3000-نان استام ادام كەلىپ، كەڭەس الدى، بۇل رەتتە 1000-نان استام ىزدەنۋشى جۇمىسقا ورنالاستىرىلدى.
«ازاماتتاردىڭ جەكەلەگەن ساناتتارىنا: پروباسيا قىزمەتىندە ەسەپتە تۇرعان، باس بوستاندىعىنان ايىرۋ ورىندارىنان بوساتىلعان مۇمكىندىگى شەكتەۋلى ادامدارعا، سونداي-اق اليمەنت تولەۋ جونىندەگى بورىشكەرلەرگە ەرەكشە نازار اۋدارىلدى. ول ءۇشىن جارمەڭكەگە ازاماتتاردىڭ وسىنداي ساناتتارى ءۇشىن جۇمىس ورىندارىن قۇرۋ بويىنشا كۆوتالارى بار جۇمىس بەرۋشىلەر شاقىرىلدى.
بوس ورىندار جارمەڭكەلەرى – بۇل جاستار ءۇشىن ەڭبەك نارىعىن زەرتتەۋگە جانە ءبىر جەردە بىرنەشە جۇمىس بەرۋشىلەرمەن تىكەلەي بايلانىس ورناتۋعا تاماشا مۇمكىندىك.
جۇمىس بەرۋشىلەر ءۇشىن جارمەڭكە ءوز كەزەگىندە قولايلى ۇمىتكەرلەردى تابۋ جانە جالداۋ پروسەسىن جەڭىلدەتەدى. ءىس-شارا جۇمىس بەرۋشىلەر ءۇشىن دە، ىزدەنۋشىلەر ءۇشىن دە وتەۋسىز نەگىزدە وتكىزىلەدى.
جارمەڭكەنى الماتى قالاسى اكىمدىگىنىڭ قولداۋىمەن جۇمىسپەن قامتۋ جانە الەۋمەتتىك باعدارلامالار باسقارماسىنىڭ «الماتى قالاسى اكىمدىگىنىڭ حالىقتى جۇمىسپەن قامتۋ ورتالىعى» كمم ۇيىمداستىردى»، - دەلىنگەن حابارلامادا.
