الماتىدا 2025 جىلى 1200-گە جۋىق قاراڭعى ۋچاسكە جارىقتاندىرىلادى. بۇل ٶتكەن جىلمەن سالىستىرعاندا 10 ەسە كٶپ. بۇل تۋرالى «الماتى قالا جارىق» مەملەكەتتٸك كوممۋنالدىق كەسٸپورنىنىڭ ديرەكتورى يگور مىسيك مەلٸمدەدٸ,- دەپ حابارلايدى Dalanews.kz
«الماتى ەكٸمٸ ەربولات دوساەۆتىڭ تاپسىرماسىمەن ٷش كەزەڭنەن تۇراتىن جوسپار ەزٸرلەندٸ. بٸرٸنشٸ كەزەڭ – بۇرىننان بار جارىق جەلٸلەرٸن قالپىنا كەلتٸرۋ بولاتىن. قازٸر بۇل جۇمىستار تولىعىمەن اياقتالۋعا جاقىن: بارلىق قولدانىستاعى جەلٸ ٸسكە قوسىلىپ, تەحنيكالىق قىزمەت كٶرسەتٸلٸپ وتىر. 2024 جىلدىڭ قاڭتارىنان باستاپ «الماتى قالا جارىق» مٸندەتٸن تولىق كٶلەمدە اتقارا باستاعالى بەرٸ قالادا 45 مىڭ شام اۋىستىرىلدى, 3 مىڭنان استام جاڭا باعان ورناتىلدى, شامامەن 500 شاقىرىم كابەل جەلٸسٸ تارتىلدى.
ەكٸنشٸ كەزەڭ اياسىندا 2024 جىلى جارىقسىز قالعان 120 ۋچاسكە جارىقتاندىرىلدى. ال 2025 جىلى 1200-گە جۋىق قاراڭعى كٶشە جارىقپەن قامتاماسىز ەتٸلەدٸ – بۇل ٶتكەن جىلمەن سالىستىرعاندا 10 ەسە كٶپ», – دەدٸ يگور مىسيك.
ٷشٸنشٸ كەزەڭدە جارىق جٷيەسٸن اۆتوماتتاندىرۋ كٶزدەلگەن. 2025 جىلدىڭ ٶزٸندە سىرتقى جارىقتاندىرۋدى باسقارۋعا ارنالعان 320 سىرتقى جارىقتاندىرۋدى باسقارۋ شكافى اۋىستىرىلدى. جىل سوڭىنا دەيٸن ولاردىڭ جالپى سانىنىڭ 70%-ى, ياعني 1100 شكافتىڭ 800-ٸ جاڭارتىلادى.
ەسكە سالا كەتەيٸك, 2024 جىلدىڭ قاڭتارىنان باستاپ قالاداعى جارىقتاندىرۋ جەلٸلەرٸنٸڭ باسىم بٶلٸگٸن «الماتى قالا جارىق» باسقارۋدا. بۇعان دەيٸن بۇل جەلٸلەر مەملەكەتتٸك-جەكەمەنشٸك ەرٸپتەستٸك اياسىندا ٷش كومپانييادان تۇراتىن كونسورتسيۋمنىڭ قاراۋىندا بولعان, الايدا مٸندەتٸن تيٸسٸنشە اتقارا الماعاندىقتان, 2023 جىلدىڭ جازىندا قالا ەكٸمٸ ەربولات دوساەۆ كەلٸسٸمدٸ بۇزىپ, بارلىق ينفراقۇرىلىمدى اۋدان ەكٸمدٸكتەرٸنٸڭ بالانسىنا بەرۋدٸ تاپسىرعان ەدٸ. قازٸرگٸ تاڭدا بۇل جەلٸلەردٸڭ بارلىعى «الماتى قالا جارىق» مەكەمەسٸمەن كەلٸسٸمشارت نەگٸزٸندە قىزمەت كٶرسەتٸلۋدە.
