الماتى پاندەمييا كەزٸندە دە ينۆەستيتسييالىق تارتىمدىلىعىن جوعالتقان جوق
پاندەميياعا قاراماستان, الماتى قالاسى سىرتقى ينۆەستيتسييالار ٷشٸن تارتىمدىلىعىن جوعالتقان جوق. ەركەبۇلان ورازالين الماتىدا شەتەلدٸك ينۆەستورلاردىڭ قاتىسۋمەن بٸرقاتار جاڭا جوبالاردىڭ جٷزەگە اسىرىلىپ, ەزٸرلەنٸپ جاتقانىن ايتتى.
– قىركٷيەك ايىندا Esentai City بازاسىندا De Monford بريتان ۋنيۆەرسيتەتٸنٸڭ بٸرٸنشٸ فيليالىن اشۋ جوسپارلانىپ وتىر, ال الماتىدا حالىقارالىق ەۋەجايدىڭ جاڭا تەرمينالىنىڭ قۇرىلىسى باستالادى, – دەدٸ ول.
باسقارما باسشىسى 2 تامىزدا 150 تٶسەك-ورىنعا ارنالعان كٶپسالالى كلينيكا جوباسىنا 17,2 ملرد تەڭگە ينۆەستيتسييا سالۋدى جوسپارلاپ وتىرعان Orhun Medical تٷرٸك كومپانيياسىنىڭ ٶكٸلدەرٸمەن كەزدەسۋ ٶتكٸزٸلگەنٸن ەسكە سالدى.
سونىمەن قاتار, 11 تامىزدا «مەديكال پارتنەرس» ۇسىنعان كورەيالىق ينۆەستورلارمەن 200 كەرەۋەتتٸك وڭتٷستٸك كورەيانىڭ زاماناۋي مەديتسينالىق ورتالىعى مەن زەرتحانانىڭ قۇرىلىسى جوباسىن جٷزەگە اسىرۋ بويىنشا كەلٸسٸم تۋرالى مەموراندۋمعا قول قويىلدى.
جاقىن ارادا رەسەيلٸك ينۆەستورلار الماتىدا «لەرۋا مەرلەن قازاقستان» گيپەرماركەتٸن سالۋ جوباسىن ٸسكە اسىرۋدى باستاۋدى جوسپارلاپ وتىر.
