Almaty pandemiia kezinde de investitsiialyq tartymdylyǵyn joǵaltqan joq
Pandemiiaǵa qaramastan, Almaty qalasy syrtqy investitsiialar úshin tartymdylyǵyn joǵaltqan joq. Erkebulan Orazalin Almatyda sheteldik investorlardyń qatysýmen birqatar jańa jobalardyń júzege asyrylyp, ázirlenip jatqanyn aitty.
– Qyrkúiek aiynda Esentai City bazasynda De Monford Britan ýniversitetiniń birinshi filialyn ashý josparlanyp otyr, al Almatyda halyqaralyq áýejaidyń jańa terminalynyń qurylysy bastalady, – dedi ol.
Basqarma basshysy 2 tamyzda 150 tósek-orynǵa arnalǵan kópsalaly klinika jobasyna 17,2 mlrd teńge investitsiia salýdy josparlap otyrǵan Orhun Medical túrik kompaniiasynyń ókilderimen kezdesý ótkizilgenin eske saldy.
Sonymen qatar, 11 tamyzda «Medikal Partners» usynǵan koreialyq investorlarmen 200 kereýettik Ońtústik Koreianyń zamanaýi meditsinalyq ortalyǵy men zerthananyń qurylysy jobasyn júzege asyrý boiynsha kelisim týraly Memorandýmǵa qol qoiyldy.
Jaqyn arada reseilik investorlar Almatyda «Lerýa Merlen Qazaqstan» gipermarketin salý jobasyn iske asyrýdy bastaýdy josparlap otyr.
