الماتى وبلىسىنىڭ تۇرعىنى جەكە مەدورتالىقتا شۇعىل كومەك كورسەتىلمەگەنىنە نارازى. 65 جاستاعى ناۋقاس كلينيكادا جاسالعان پروسەدۋرادان سوڭ جاعدايىنىڭ كۇرت ناشارلاپ كەتكەنىن ايتادى. دارىگەرلەر ناۋقاستا ينفاركتتىڭ العاشقى بەلگىلەرىن بايقاپ، ەم-شارانى باستاۋدىڭ ورنىنا، جەدەل جاردەممەن وزگە اۋرۋحاناعا جىبەرە سالىپتى، - دەپ حابارلايدى Dalanews.kz كتك تەلەارناسىنا سىلتەپ.
«سونىڭ كەسىرىنەن اجال قۇشا جازدادىم» - دەيدى ەر ادام. وسى جاعدايدان كەيىن مەديسينالىق ورتالىقتا تەكسەرىس جۇرگىزىلىپ، ورەسكەل زاڭبۇزۋشىلىقتار انىقتالعان كورىنەدى. دەسە دە، بۇل كلينيكاداعىلار «جۇمىسىمىزدا ءمىن جوق» دەپ وتىر. 65 جاستاعى باۋىرجان قۇنداقبايەۆ ءقازىر ءدارىسىز قالىپتى ءومىر سۇرە المايدى.
ناۋقاس وسىعان دەيىن ءۇش رەت ينفاركت العان. سوڭعى جاعدايدا، ءتىپتى، ءولىم اۋزىنان امان قالىپتى. ول مامىردا مىنا مەديسينالىق ورتالىققا ەلەكتروكارديوگرافيا جاساتۋ ءۇشىن بارعان. ءبىراق دارىگەرلەر كوروناروگرافيا دەگەن پروسەدۋرا جاساپ، جاعدايىم كۇرت ناشارلاپ كەتتى دەيدى ەر ادام.
باۋىرجان قۇنداقبايەۆ: — شىداي الماي كەتكەن كەزدە ايتتىم: «قاراڭدارشى، اسقىنىپ يتۇر، دەنەم قالشىلداپ وتىرمىن». سول كەزدە بارىپ، «سىزدە ينفاركت ەكەن» دەدى. وزدەرى كەلىستى دە، جەدەل جاردەم شاقىرايىق دەدى. شىن مانىندە ءولىم اۋزىندا جاتقان ادامدى بۇلار الدى دا، باسقا اۋرۋحاناعا جىبەردى. اۋقىمدى ينفاركت الىپ جاتقان ادامدى سول جەردەن بۇلار ەشقايدا جىبەرمەي، ەمدەۋى كەرەك ەدى، نە بولسا دا. قالاي بۇلار قورىقپاي، مەنى جەدەل جاردەم كولىگىنە سالىپ، اناۋ-مىناۋ اۋرۋحاناعا دەدى؟!
ناۋقاس جەدەل جاردەممەن قالانىڭ وزگە بولىگىندەگى كارديولوگيا ينستيتۋتىنا جەتكىزىلىپتى. وندا باۋىرجان قۇنداقبايەۆقا ءتورت ساعات وتا جاسالعان. دارىگەرلەر ەر ادامدى اجالدان ارەڭ اراشالاپ قالعان كورىنەدى. «كورەر جارىعىم بار ەكەن» دەگەن ناۋقاس جەكە كلينيكاداعى اق حالاتتىلاردىڭ شۇعىل كومەك كورسەتپەگەنىنە قاپالى. ال مۇنداعى ماماندار ونىڭ ءسوزىن جوققا شىعارىپ وتىر ءارى شۇعىل كارديولوگيالىق كومەك كورسەتۋگە قۇجات جۇزىندە رۇقساتىمىز جوق دەيدى.
نۇرجامال قاراجانوۆا، «حيرۋرگيا ينستيتۋتى» ج ش س كارديولوگيا ءبولىمىنىڭ مەڭگەرۋشىسى: — ارينە، جەدەل كومەك كورسەتىلۋى كەرەك. ءبىز قالانىڭ دەنساۋلىق ساقتاۋ باسقارماسى بۇيرىعى بويىنشا جۇمىس ىستەيمىز. ناۋرىزدان باستاپ، بۇل «حيرۋرگيا ينستيتۋتى» جشس-دە كورسەتىلمەيدى، جەدەل كوورانارلىق سيندروم كەزىندە، ياعني ينفاركت بولىپ جاتىر» دەگەن ءسوز، «باستالىپ جاتىر» دەگەن ءسوز. ول بىزدە كورسەتىلمەيدى. سوندىقتان بۇيرىق بويىنشا ءبىز ونى جاتقىزىپ، ەمدەي المادىق.
وسى جاعدايدان سوڭ، ناۋقاستىڭ شاعىمى بويىنشا الماتى قالاسىنىڭ باس شتاتتان تىس كارديولوگى باستاعان توپ كلينيكادا تەكسەرىس جۇرگىپتى. مونيتورينگ قورىتىندىسى الەۋمەتتىك جەلىلەردە جاريالانىپ تا ۇلگەرگەن. وعان سايكەس، ماماندار بۇل جەردەن بىرنەشە ورەسكەل زاڭبۇزۋشىلىق انىقتاعان. ماسەلەن، كلينيكادا ناۋقاستارعا دۇرىس دياگنوز قويىلماعان، اۋرۋ تاريحى دا ءجوندى جۇرگىزىلمەگەن. سونىڭ كەسىرىنەن ءبىر ادام اجال قۇشقان كورىنەدى.
الماتى قوعامدىق دەنساۋلىق ساقتاۋ باسقارماسى: — ورتالىقتا ارنايى بالالار كارديوحيرۋرگى بولماسا دا، 2 بالاعا اشىق وتا جاسالعان. تاعى ءبىر ەرەسەك ناۋقاستى حاتتاماعا سايكەس ەمدەمەگەن. ياعني كوروناروگرافيانىڭ ورنىنا وتا جاسالىپ، سونىڭ سالدارىنان ناۋقاس قايتىس بولعان. مۇنداي جاعدايلار ق ر دەنساۋلىق ساقتاۋ مينيسترلىگىنىڭ بۇيرىعىن ورەسكەل بۇزۋ بولىپ ەسەپتەلەدى.
سوندىقتان تەكسەرىس جۇرگىزگەن ماماندار الەۋمەتتىك مەديسينالىق ساقتاندىرۋ قورىنا «حيرۋرگيا ينستيتۋتى» جاۋاپكەرشىلىگى شەكتەۋلى سەرىكتەستىگىن شۇعىل جانە جوسپارلى كارديولوگيالىق، كارديوحيرۋرگيالىق جانە اريتمولوگيالىق كومەكتەردەن شەتتەتۋدى ۇسىنىپتى.
