"Anti-fraud" ءجپىش اياسىندا الماتى وبلىسىنىڭ پوليسەيلەرى حالىق اراسىندا ينتەرنەت-الاياقتىقتىڭ اۋقىمدى پروفيلاكتيكاسىنا باعىتتالعان كەزەكتى اكسيانى وتكىزۋدە. ازاماتتارعا بارىنشا ىقپال ەتۋ ءۇشىن بارلىق اسەر ەتۋ قۇرالدارى قولدانىلۋدا، دەپ حابارلايدى Dalanews.kz.
ءتارتىپ ساقشىلارى اقپاراتتىق بۋكلەتتەر مەن كىتاپشالاردى تاراتۋ تۇرىندەگى ءداستۇرلى ادىستەرمەن شەكتەلمەي، ءدىن سالاسىنىڭ قىزمەتكەرىن تارتۋدا.
ينتەرنەت-الاياقتاردىڭ ايلا-امالدارىنا كوبىنەسە اعا بۋىن وكىلدەرى تۇسەتىنى بارىنە ءمالىم. سوندىقتان ءبىز ءدىني قىزمەتكەرلەردى تارتۋدى شەشتىك. بۇل جالپى ازاماتتار اراسىندا عانا ەمەس، قارتتار اراسىندا دا ءاقپاراتتىق-تۇسىندىرۋ جۇمىستارىنىڭ اۋقىمىن ۇلعايتۋعا مۇمكىندىك بەرەدى، – دەپ اتاپ ءوتتى الماتى وبلىسى پد كپب باستىعىنىڭ ورىنباسارى نۇرجان كەنەسحان ۇلى.
ءتارتىپ ساقشىلارى يمامدار مەن ءدىني قىزمەتكەرلەرگە قارت ادامدارعا ەرەكشە نازار اۋدارا وتىرىپ، ينتەرنەت-الاياقتىقتىڭ جاڭا تۇرلەرى تۋرالى ازاماتتاردى اقپاراتتاندىرۋعا كومەك كورسەتۋگە جۇگىندى.
"الاياقتىقتى انىقتاۋ – كوپ ەڭبەكتى قاجەت ەتەتىن جۇمىس، ويتكەنى قىلمىسكەرلەر كۇن سايىن الداۋدىڭ بارلىق جاڭا تاسىلدەرىن ويلاپ تاۋىپ، جاساعان زاڭسىز ارەكەتتەرىنىڭ ىزدەرىن جاسىرۋدا. وسىعان بايلانىستى الاياقتىقپەن كۇرەسۋدىڭ ەڭ ءتيىمدى جولى ونى الدىن الۋ مەن حالىقتى ەسكەرتۋ بولىپ تابىلادى، – دەپ تولىقتىردى ن. كەنەسحان ۇلى.
