"Anti-fraud" JPİSH aıasynda Almaty oblysynyń polıseıleri halyq arasynda ınternet-alaıaqtyqtyń aýqymdy profılaktıkasyna baǵyttalǵan kezekti aksıany ótkizýde. Azamattarǵa barynsha yqpal etý úshin barlyq áser etý quraldary qoldanylýda, dep habarlaıdy Dalanews.kz. 

Tártip saqshylary aqparattyq býkletter men kitapshalardy taratý túrindegi dástúrli ádistermen shektelmeı, din salasynyń qyzmetkerin tartýda.

 Internet-alaıaqtardyń aıla-amaldaryna kóbinese aǵa býyn ókilderi túsetini bárine málim. Sondyqtan biz dinı qyzmetkerlerdi tartýdy sheshtik. Bul jalpy azamattar arasynda ǵana emes, qarttar arasynda da aqparattyq-túsindirý jumystarynyń aýqymyn ulǵaıtýǵa múmkindik beredi, – dep atap ótti Almaty oblysy PD KPB bastyǵynyń orynbasary Nurjan Keneshanuly.

Tártip saqshylary ımamdar men dinı qyzmetkerlerge qart adamdarǵa erekshe nazar aýdara otyryp, ınternet-alaıaqtyqtyń jańa túrleri týraly azamattardy aqparattandyrýǵa kómek kórsetýge júgindi.

"Alaıaqtyqty anyqtaý – kóp eńbekti qajet etetin jumys, óıtkeni qylmyskerler kún saıyn aldaýdyń barlyq jańa tásilderin oılap taýyp, jasaǵan zańsyz áreketteriniń izderin jasyrýda. Osyǵan baılanysty alaıaqtyqpen kúresýdiń eń tıimdi joly ony aldyn alý men halyqty eskertý bolyp tabylady, – dep tolyqtyrdy N. Keneshanuly.