جاڭا وقۋ جىلىندا مەكتەپتەر مەن كوللەدجدەردە قۇقىقتىق مەدەنيەت بويىنشا قوسىمشا ساباقتار ٶتكٸزٸلەدٸ,- دەپ حابارلايدى Dalanews.kz
وقۋ-اعارتۋ مينيسترلٸگٸنٸڭ مەلٸمەتٸنشە, العاشقى كەزەڭدە ساباقتار تالعار اۋدانىنداعى 10 مەكتەپ پەن 3 كوللەدجدە ٶتكٸزٸلەدٸ. جوبانىڭ ماقساتى – قۇقىقتىق سانانى قالىپتاستىرۋ, قۇقىقتىق مەدەنيەتتٸ نىعايتۋ, سونداي-اق زورلىق-زومبىلىقتىڭ, بۋللينگتٸڭ جەنە زاڭعا قايشى مٸنەز-قۇلىقتىڭ بارلىق تٷرلەرٸنٸڭ الدىن الۋ.
ساباقتاردى ارنايى دايىندىقتان ٶتكەن, پروكۋراتۋرا جەنە پوليتسييادا قىزمەت ەتكەن تەلٸمگەرلەر جٷرگٸزەدٸ.
"بٸز قۇقىقتىق سانانىڭ نەگٸزٸن مەكتەپ قابىرعاسىنان باستاپ قالايمىز. تەلٸمگەرلەر بالالارعا ٶز قۇقىقتارى مەن مٸندەتتەرٸن تٷسٸندٸرٸپ قانا قويماي, زاڭدى قۇرمەتتەۋگە, جاۋاپكەرشٸلٸكتٸ سەزٸنۋگە جەنە سىندارلى مٸنەز-قۇلىق داعدىلارىن قالىپتاستىرۋعا كٶمەكتەسەدٸ. بۇل – بولاشاقتا ورنىقتى قۇقىقتىق مەدەنيەتتٸ قالىپتاستىرۋدىڭ كٸلتٸ", – دەپ اتاپ ٶتتٸ قر وقۋ-اعارتۋ مينيسترلٸگٸ بالالاردىڭ قۇقىقتارىن قورعاۋ كوميتەتٸنٸڭ تٶراعاسى ناسىمجان وسپانوۆا.
پيلوتتىق مەكتەپتەر مەن كوللەدجدەردە وقۋ جىلىندا 7-10 سىنىپ وقۋشىلارى مەن كوللەدج ستۋدەنتتەرٸ ٷشٸن بارلىعى 36 ساباق ٶتكٸزۋ جوسپارلانعان.
ساباقتار ەكٸ اپتادا بٸر رەت ٶتٸپ تۇرادى, الدىن الا جەنە قورىتىندى دياگنوستيكا جەنە وقۋشىلاردىڭ مٸنەز-قۇلقىنا تۇراقتى مونيتورينگ جٷرگٸزٸلەدٸ.
الداعى ۋاقىتتا جوبا ەلٸمٸزدٸڭ ٶزگە ٶڭٸرلەرٸندە دە جالعاسىن تابادى دەپ جوسپارلانىپ وتىر.
