Jańa oqý jylynda mektepter men kolledjderde quqyqtyq mádeniet boiynsha qosymsha sabaqtar ótkiziledi,- dep habarlaidy Dalanews.kz
Oqý-aǵartý ministrliginiń málimetinshe, alǵashqy kezeńde sabaqtar Talǵar aýdanyndaǵy 10 mektep pen 3 kolledjde ótkiziledi. Jobanyń maqsaty – quqyqtyq sanany qalyptastyrý, quqyqtyq mádenietti nyǵaitý, sondai-aq zorlyq-zombylyqtyń, býllingtiń jáne zańǵa qaishy minez-qulyqtyń barlyq túrleriniń aldyn alý.
Sabaqtardy arnaiy daiyndyqtan ótken, prokýratýra jáne politsiiada qyzmet etken tálimgerler júrgizedi.
"Biz quqyqtyq sananyń negizin mektep qabyrǵasynan bastap qalaimyz. Tálimgerler balalarǵa óz quqyqtary men mindetterin túsindirip qana qoimai, zańdy qurmetteýge, jaýapkershilikti sezinýge jáne syndarly minez-qulyq daǵdylaryn qalyptastyrýǵa kómektesedi. Bul – bolashaqta ornyqty quqyqtyq mádenietti qalyptastyrýdyń kilti", – dep atap ótti QR Oqý-aǵartý ministrligi Balalardyń quqyqtaryn qorǵaý komitetiniń tóraǵasy Nasymjan Ospanova.
Pilottyq mektepter men kolledjderde oqý jylynda 7-10 synyp oqýshylary men kolledj stýdentteri úshin barlyǵy 36 sabaq ótkizý josparlanǵan.
Sabaqtar eki aptada bir ret ótip turady, aldyn ala jáne qorytyndy diagnostika jáne oqýshylardyń minez-qulqyna turaqty monitoring júrgiziledi.
Aldaǵy ýaqytta joba elimizdiń ózge óńirlerinde de jalǵasyn tabady dep josparlanyp otyr.
