16 mamyrda Memleket basshysy «Kitap oqý mádenietin damytý jáne zerdeli ult qalyptastyrý jónindegi sharalar týraly» Jarlyqqa qol qoidy. Qujat adami kapitaldy damytýǵa, qoǵamnyń ziiatkerlik áleýetin nyǵaitýǵa jáne azamattardyń kitap oqýǵa degen qyzyǵýshylyǵyn arttyrýǵa baǵyttalǵan, dep habarlaidy dalanews.kz.
Prezident tapsyrmalaryn oryndaý aiasynda Mádeniet jáne aqparat ministrligi kitaphana salasyn jańǵyrtý, kitap oqýdy keńinen nasihattaý jáne halyqtyń bilim men aqparatqa qoljetimdiligin arttyrý baǵytynda keshendi sharalardy júzege asyryp keledi. Bul rette salany tsifrlandyrýǵa erekshe mán berilýde.
Búginde ulttyq jazba muramyzǵa keńinen qol jetkizýdiń negizgi quraldarynyń biri – ulttyq elektrondy kitaphana, iaǵni QazUEK. Portalda kitaptar, sirek qujattar men qoljazbalar, merzimdi basylymdar, dissertatsiialar, arhiv materialdary, aýdio jáne beinejazbalar, kartalar jáne basqa da tsifrlyq resýrstar jinaqtalǵan.
2026 jyldyń basynan beri QazUEK materialdaryn qaraý sany 3,6 millionnan asty. Qashyqtan paidalanýshylar sany 295 116 adamǵa jetse, elektrondy kóshirmelerdi júkteý kórsetkishi 891 551-di qurady.
Osy kezeńde elektrondy kitaphana qoryna 2 506 tsifrlyq kóshirme engizilip, 437 qujat óńdeýden ótkizildi jáne 127 555 bet skanerlendi. Qazirgi tańda QazUEK-tiń jalpy qorynda 86 315 qujat bar. Onyń ishinde tsifrlandyrylǵan 10 myńnan astam qoljazba men sirek kitap saqtalǵan.
Elektrondy kitaphana qyzmetin álemniń 122-den astam eliniń oqyrmandary paidalanady. Portalǵa Qazaqstan, Qytai, Resei, AQSh, Vetnam, Ózbekstan, Túrkiia, Germaniia, Frantsiia jáne Qyrǵyzstan turǵyndary erekshe qyzyǵýshylyq tanytyp otyr. Elektrondy qujattar álemniń 70 tilinde usynylǵan.
Portaldaǵy barlyq materialdy tirkelýsiz-aq erkin qaraýǵa bolady. QazUEK qorynda «Memlekettik baǵdarlamalar aiasynda jaryq kórgen kitaptar», «Sirek qujattar men qoljazbalar», «Túrkitildes elder kitaphanasy» jáne basqa da taqyryptyq jinaqtar bar.
Aldaǵy ýaqytta bul jumys Ulttyq tsifrlyq kitaphana platformasyn qurý arqyly jańa deńgeige kóterilmek. Biryńǵai platforma elektrondy katalogtardy, tsifrlyq qorlardy, bilim berý resýrstary men zamanaýi servisterdi ózara biriktiredi. Sonyń nátijesinde azamattar turǵylyqty jerine qaramastan otandyq ádebietke, ǵylymi basylymdarǵa, sirek kitaptar men arhiv materialdaryna erkin qol jetkize alady.
