Qorǵanys ministrligi ókilderi Qazaqstannan Reseige nelikten áskeri tehnika jiberiletinin túsindirdi, dep habarlaidy dalanews.kz.
24 qyrkúiek pen 3 qazan aralyǵynda Resei Federatsiiasy aýmaǵynda Ujymdyq qaýipsizdik týraly shart uiymynyń (UQShU) "Ózara is-qimyl – 2026", "Izdeý-2026" jáne "Eshelon-2026" oqý-jattyǵýy josparlanǵan.
"Oqý-jattyǵýlarǵa daiyndyq jáne ony ótkizý barysynda, 21 qyrkúiek pen 5 qazan aralyǵynda Qazaqstan aýmaǵynan Misiash stansasyna deiin (Cheliabi oblysy, Resei) jáne keri qarai temirjol kóligimen áskeri tehnika men jeke quramnyń josparly qozǵalysy júzege asyrylady. Oqý-jattyǵýlar barysynda dalada sabaqtar ótkizilip, sherý daiyndyǵy, bólimshelerdi basqarý jáne qoiylǵan mindetterdi oryndaý pysyqtalady", - dedi ministrlik ókilderi.
Is-sharalar UQShU-ǵa múshe memleketterdiń jaýyngerlik daiarlyq boiynsha bekitilgen josparlaryna sáikes júrgiziledi. Oqý-jattyǵýlar turaqty túrde uiymǵa múshe memleketter aýmaǵynda kezekpen ótkiziledi.
