Qazaqstanda turýǵa yqtiiarhaty joq sheteldikterge bank kartasyn rásimdeý jeńildeidi. Qarjy naryǵyn retteý jáne damytý agenttigi bankterdiń qylmystyq jolmen alynǵan kiristerdi zańdastyrýǵa jáne terrorizmdi qarjylandyrýǵa qarsy ishki baqylaý qaǵidalaryn ózgertti, dep habarlaidy dalanews.kz.
Jańa tártip boiynsha mundai sheteldikter táýekeli joǵary klientter tiziminen shyǵaryldy. Endi beirezidentterge mindetti saýalnamany toltyrý qajet emes, sondai-aq olardyń telefonynyń IMEI kody tekserilmeidi.
Degenmen táýekel deńgeii joǵary nemese alaiaqtyqqa qatysy bar degen kúdik týǵyzǵan klientterge qatysty kúsheitilgen tekserý júrgizile beredi.
