Qazaqstanda 19 shildeden bastap qolma-qol aqshasyz tólemderge arnalǵan biryńǵai bankaralyq QR-kod júiesi iske qosylady, dep habarlaidy dalanews.kz.
Bul týraly Senat otyrysynda Ulttyq bank tóraǵasy Timýr Súleimenov málimdedi.
«19 shildeden bastap qolma-qol aqshasyz tólemderge arnalǵan biryńǵai bankaralyq QR-kod júiesi iske qosylady. Parlamenttiń qoldaýymen 1 mamyrda tsifrlyq aktivter indýstriiasy dep atalatyn ekonomikanyń jańa salasyn damytýǵa quqyqtyq negiz qalandy. Zamanaýi, túsinikti jáne institýtsionaldyq orta quryldy», – dedi Súleimenov.
Biryńǵai QR-kod júiesin engizý boiynsha pilottyq joba Qazaqstanda 2024 jyldan bastap qolǵa alynǵan bolatyn. Alaida júieni tolyq iske qosý merzimi birneshe ret keiinge shegerilgen.
Jańa júie ártúrli bankterdiń klientterine bir QR-kod arqyly tólem jasaýǵa múmkindik berip, bankaralyq esep aiyrysýdy jeńildetýge baǵyttalǵan.
