"الەۋمەتتىك جەلىلەردە جەكە تۇلعالار ەرتەڭ، ياعني 19 قاڭتاردا، زاڭسىز ميتينگىلەر مەن شەرۋلەرگە قاتىسۋعا شاقىرۋلار تاراتىپ جاتىر. وسىعان بايلانىستى ميتينگتەردى ۇيىمداستىرۋ جانە وتكىزۋ ءتارتىبى زاڭمەن رەتتەلەتىنىن نازارلارىڭىزعا ۇسىنامىن.
الايدا ۇيىمداستىرۋشىلاردان جەرگىلىكتى اتقارۋشى ورگاندارعا ءتيىستى حابارلامالار مەن وتىنىشتەر بويىنشا بەيبىت جينالىستاردى ۇيىمداستىرۋ جانە وتكىزۋ تۋرالى حابارلامالار تۇسپەگەن، سايكەسىنشە، زاڭنامانى بۇزا وتىرىپ بەيبىت جينالىستاردى ۇيىمداستىرۋ جانە ولارعا قاتىسۋ زاڭسىز ارەكەت بولىپ سانالادى جانە قازاقستان رەسپۋبليكاسىنىڭ اقبتك-نىڭ 488-بابىندا كوزدەلگەن اكىمشىلىك جاۋاپكەرشىلىككە اكەپ سوعادى.
[video width="1280" height="720" mp4="https://dalanews.kz/wp-content/uploads/2022/01/10000000_619112819397306_7310545244011598920_n.mp4"][/video]
ەگەر بۇل ارەكەتتەر ازاماتتاردىڭ، ۇيىمداردىڭ، قوعامنىڭ نەمەسە مەملەكەتتىڭ قۇقىقتارى مەن زاڭدى مۇددەلەرىنە ەلەۋلى زيان كەلتىرۋمەن ۇشتاسقان بولسا، قازاقستان رەسپۋبليكاسى قىلمىستىق كودەكسىنىڭ 400-بابىندا كوزدەلگەن قىلمىستىق جاۋاپتىلىققا اكەپ سوعادى.
قۇرمەتتى جەرلەستەر، قولدانىستاعى زاڭناما نورمالارىن قاتاڭ ساقتاۋعا، ارانداتۋشىلىققا بوي الدىرماۋعا جانە زاڭسىز ارەكەتتەرگە قاتىسۋدان اۋلاق بولۋعا شاقىرامىن"، - دەدى سەرىك كۇدەبايەۆ.
ول قۇقىق قورعاۋ ورگاندارىنىڭ بەلگىلەنگەن ءتارتىپ پەن قوعامدىق قاۋىپسىزدىككە قول سۇعاتىن كەز كەلگەن قۇقىق بۇزۋشىلىقتى توقتاتاتىنىن ايتتى.
دەرەككوز: Stan.kz
