Almaty oblysynyń komendanty málimdeme jasady
"Áleýmettik jelilerde jeke tulǵalar erteń, iaǵni 19 qańtarda, zańsyz mitingiler men sherýlerge qatysýǵa shaqyrýlar taratyp jatyr. Osyǵan bailanysty mitingterdi uiymdastyrý jáne ótkizý tártibi zańmen retteletinin nazarlaryńyzǵa usynamyn.
Alaida uiymdastyrýshylardan jergilikti atqarýshy organdarǵa tiisti habarlamalar men ótinishter boiynsha beibit jinalystardy uiymdastyrý jáne ótkizý týraly habarlamalar túspegen, sáikesinshe, zańnamany buza otyryp beibit jinalystardy uiymdastyrý jáne olarǵa qatysý zańsyz áreket bolyp sanalady jáne Qazaqstan Respýblikasynyń ÁQBtK-niń 488-babynda kózdelgen ákimshilik jaýapkershilikke ákep soǵady.
[video width="1280" height="720" mp4="https://dalanews.kz/wp-content/uploads/2022/01/10000000_619112819397306_7310545244011598920_n.mp4"][/video]
Eger bul áreketter azamattardyń, uiymdardyń, qoǵamnyń nemese memlekettiń quqyqtary men zańdy múddelerine eleýli ziian keltirýmen ushtasqan bolsa, Qazaqstan Respýblikasy Qylmystyq kodeksiniń 400-babynda kózdelgen qylmystyq jaýaptylyqqa ákep soǵady.
Qurmetti jerlester, qoldanystaǵy zańnama normalaryn qatań saqtaýǵa, arandatýshylyqqa boi aldyrmaýǵa jáne zańsyz áreketterge qatysýdan aýlaq bolýǵa shaqyramyn", - dedi Serik Kúdebaev.
Ol quqyq qorǵaý organdarynyń belgilengen tártip pen qoǵamdyq qaýipsizdikke qol suǵatyn kez kelgen quqyq buzýshylyqty toqtatatynyn aitty.
Derekkóz: Stan.kz
