رەسپۋبليكانىڭ مەملەكەتتىك رامىزدەر كۇنى سالتاناتتى تۇردە اتاپ ءوتىلدى. الماتى وبلىسىنىڭ ورتالىعى قونايەۆ قالسىندا، قازاقتىڭ كەڭ كولەمدى كوك تۋى قالا تۇرعىندارىنىڭ نازارىنا ۇسىنىلىپ كورسەتىلدى. ۇزىندىعى 30 مەتر، ەنى 14 مەتر جانە سالماعى 150 كەلىگە جۋىق ەلدىڭ تۋىن، قوعامدىق دامۋ ورتالىعىنىڭ ارنايى تاپسىرىسى بويىنشا دايىنداتقان.

ءىس – شارا بارىسىندا الماتى وبلىسىنىڭ اكىمى مارات سۇلتانعازييەۆتىڭ قاتىسۋىمەن "مەملەكەتتىك تۋىم-مەنىڭ ماقتانىشىم" چەللەندجى اياسىندا اۋقىمدى ترەندتىك بەينەروليك ءتۇسىرىلدى.

«كوك تۋىمىز بەيبىتشىلىكتىڭ سيمۆولىنا اينالدى. ءانۇرانىمىز الەمنىڭ ءار تارابىندا شىرقالىپ، جاسامپازدىقتىڭ جىرى بولىپ كەلەدى. مۇنىڭ بارلىعى قازاقستاندىق پاتريوتيزم مەن وتانعا دەگەن سۇيىسپەنشىلىكتى ارتتىرادى.
ءوز كەزەگىندە تاۋەلسىزدىك توسبەلگىسىنە اينالعان رامىزدەرىمىزدى قۇرمەتتەۋ، ماقتان تۇتۋ ءاربىر ازامات ءۇشىن قاسيەتتى بورىش»،- دەدى ءوڭىر باسشىسى ءوزىنىڭ قۇتتىقتاۋ سوزىندە.

مەرەكەلىك ءىس-شاراعا ەڭبەك ارداگەرلەرى، ءوڭىر اۋماعىندا جۇمىس ىستەيتىن ق ر مەملەكەتتىك جانە قۇقىق قورعاۋ ورگاندارىنىڭ قىزمەتكەرلەرى، مۇعالىمدەر، دارىگەرلەر، وقۋشىلار، ستۋدەنتتەر، كاسىپكەرلەر، اسكەري جانە قوعامدىق ۇيىمداردىڭ وكىلدەرى قاتىستى.

سونداي-اق، بۇل كۇنى قازاقستان جالاۋلارى بار رەترواۆتوبيلدەردىڭ ءداستۇرلى جىلجىمالى كورمەسى ءوتتى. وندا قالا تۇرعىندارى ءبىر كەزدەرى قازاقستان كومپارتياسى ورتالىق كوميتەتىنىڭ ءبىرىنشى حاتشىسى دىنمۇحامەد قونايەۆتىڭ ءاۆتوموبيلىن تاماشالادى.

قازاقستان رەسپۋبليكاسىنىڭ مەملەكەتتىك رامىزدەرى كۇنى قارساڭىندا الماتى وبلىسىنىڭ جاستارى ق ر مەملەكەتتىك ەلتاڭباسىنىڭ اۆتورى، گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى جانداربەك مالىبەكوۆپەن كەزدەستى.

سونىمەن قاتار، بۇقارالىق سالتاناتتى ءىس-شارالار الماتى وبلىسىنىڭ بارلىق اۋداندارى مەن قالالارىندا ءوتت