Almaty oblysynda uzyndyǵy 30 metrlik kók bairaq kókke kóterildi
Is – shara barysynda Almaty oblysynyń ákimi Marat Sultanǵazievtiń qatysýymen "Memlekettik týym-meniń maqtanyshym" chellendji aiasynda aýqymdy trendtik beinerolik túsirildi.
«Kók týymyz beibitshiliktiń simvolyna ainaldy. Ánuranymyz álemniń ár tarabynda shyrqalyp, jasampazdyqtyń jyry bolyp keledi. Munyń barlyǵy qazaqstandyq patriotizm men Otanǵa degen súiispenshilikti arttyrady.
Óz kezeginde Táýelsizdik tósbelgisine ainalǵan rámizderimizdi qurmetteý, maqtan tutý árbir azamat úshin qasietti borysh»,- dedi óńir basshysy óziniń quttyqtaý sózinde.
Merekelik is-sharaǵa eńbek ardagerleri, óńir aýmaǵynda jumys isteitin QR Memlekettik jáne quqyq qorǵaý organdarynyń qyzmetkerleri, muǵalimder, dárigerler, oqýshylar, stýdentter, kásipkerler, áskeri jáne qoǵamdyq uiymdardyń ókilderi qatysty.
Sondai-aq, bul kúni Qazaqstan jalaýlary bar retroavtobilderdiń dástúrli jyljymaly kórmesi ótti. Onda qala turǵyndary bir kezderi Qazaqstan Kompartiiasy Ortalyq Komitetiniń birinshi hatshysy Dinmuhamed Qonaevtyń avtomobilin tamashalady.
Qazaqstan Respýblikasynyń Memlekettik rámizderi kúni qarsańynda Almaty oblysynyń jastary QR Memlekettik Eltańbasynyń avtory, Gýmilev atyndaǵy Eýraziia ulttyq ýniversitetiniń professory Jandarbek Málibekovpen kezdesti.
Sonymen qatar, buqaralyq saltanatty is-sharalar Almaty oblysynyń barlyq aýdandary men qalalarynda ótt
