بٷگٸن الماتى وبلىسىنىڭ ەكٸمشٸلٸك ورتالىعى قوناەۆ قالاسىنداعى مەدەنيەت ٷيٸندە كەسٸبي مەرەكە – ۇستازدار كٷنٸنە ارنالعان سالتاناتتى شارا ٶتتٸ, دەپ حابارلايدى Dalanews.kz.
بۇل مەرەكە 2023 جىلدان باستاپ ەلەمنٸڭ 100-دەن استام ەلٸندە اتاپ ٶتٸلەتٸن دٷنيەجٷزٸلٸك مۇعالٸمدەر كٷنٸمەن سەيكەستەندٸرٸلٸپ, 5 قازاندا اتالىپ ٶتەدٸ. 
مەرەكەنٸڭ باستى ماقساتى – ۇستازداردىڭ قوعام دامۋىنداعى رٶلٸن, ولاردىڭ ەڭبەگٸ مەن بٸلٸم سالاسىنا قوسقان ٷلەسٸن كٶرسەتۋ. شاراعا 35 ارداگەر ۇستاز, اباي اتىنداعى قازاق ۇلتتىق پەداگوگيكالىق ۋنيۆەرسيتەتٸ, سدۋ ۋنيۆەرسيتەتٸ, قازاق ۇلتتىق قىزدار پەداگوگيكالىق ۋنيۆەرسيتەتٸ, ەل-فارابي اتىنداعى قازاق ۇلتتىق ۋنيۆەرسيتەتٸ جەنە قازاق ۇلتتىق اگرارلىق زەرتتەۋ ۋنيۆەرسيتەتٸ سيياقتى وقۋ ورىندارىنىڭ رەكتورلارى, سونداي-اق بٸلٸم سالاسىنا ەلەۋلٸ ٷلەس قوسقان قوعام قايراتكەرلەرٸ قاتىستى.
سالتاناتتى شارا بٸلٸم سالاسىنىڭ دامۋى تۋرالى بەينەروليكپەن جەنە قوناەۆ قالالىق بالالار شىعارماشىلىق ورتالىعى وقۋشىلارىنىڭ ورىنداۋىنداعى "ۇستازىم مەنٸڭ ۇستازىم" ەنٸمەن اشىلدى.
وبلىس ەكٸمٸ مارات ەلەۋسٸزۇلى سۇلتانعازيەۆ قۇتتىقتاۋ سٶزٸندە بٸلٸم سالاسىن دامىتۋعا باعىتتالعان اۋقىمدى جۇمىستار مەن ٶزەكتٸ مەسەلەلەردٸڭ شەشٸمٸنە توقتالدى. ول, اتاپ ايتقاندا, "جايلى مەكتەپ" ۇلتتىق جوباسى اياسىندا ٷش اۋىسىمدى بٸلٸم بەرۋدٸ قىسقارتۋ ماقساتىندا, جاڭا وقۋ جىلىندا ينۆەستورلاردىڭ كٶمەگٸمەن 3 جاڭا مەكتەپ پەن 5 ورتا بٸلٸم بەرۋ نىسانىنىڭ اشىلعانىن اتاپ ٶتتٸ.
سونداي-اق ول مەملەكەت باسشىسىنىڭ تاپسىرماسىنا سەيكەس الماتى وبلىسىنىڭ ەلدٸ مەكەندەرٸندە ينتەرنەتكە ساپالى قولجەتٸمدٸلٸكتٸ قامتاماسىز ەتۋ ٷشٸن جول كارتاسى ەزٸرلەنگەنٸن باسا ايتتى.
"مەملەكەت باسشىسى ٶز سٶزٸندە بٸلٸمدٸ ۇلت قانا بەسەكەگە قابٸلەتتٸ بولا الاتىنىن بٸرنەشە رەت اتاپ ٶتتٸ. سوندىقتان بٸلٸم بەرۋ مەن ادامي كاپيتالدى دامىتۋ مەملەكەتتٸك ساياساتتىڭ ٶزگەرمەيتٸن باسىم باعىتى بولىپ تابىلادى. بٷگٸن مەملەكەت بٸلٸم بەرۋ ساپاسىن ەلەمدٸك ستاندارتتارعا سەيكەس كٶتەرۋ ٷشٸن بارلىق مٷمكٸندٸكتەردٸ جاساپ جاتىر", - دەپ اتاپ ٶتتٸ مارات سۇلتانعازيەۆ.
شارا بارىسىندا بٸلٸم سالاسىنىڭ ٷزدٸك ٶكٸلدەرٸ ماراپاتتالدى. "ٷزدٸك سىنىپ جەتەكشٸسٸ", "ٷزدٸك اۋىل مەكتەبٸ", "ٷزدٸك كەسٸپتٸك بٸلٸم بەرۋ مەكەمەسٸ" جەنە "ٷزدٸك بالاباقشا" بايقاۋلارىنىڭ جەڭٸمپازدارى اقشالاي سىيلىقتارعا يە بولدى. تالعار اۋدانىنداعى №37 مەكتەپتٸڭ ينفورماتيكا پەنٸنٸڭ مۇعالٸمٸ اينۇر جاباەۆا "جىلدىڭ ٷزدٸك مۇعالٸمٸ" اتاعى ٷشٸن اۆتوكٶلٸك كٸلتٸمەن ماراپاتتالدى.
سونىمەن قاتار, 89 ادام ى.التىنسارين مەدالٸن, ال 5 ادام "ەڭبەك ارداگەرٸ" مەدالٸن الدى. 1173 مۇعالٸم قر بٸلٸم جەنە عىلىم مينيسترلٸگٸنٸڭ قۇرمەت گراموتاسىمەن, 35 ادام وبلىس ەكٸمدٸگٸنٸڭ قۇرمەت گراموتالارىمەن جەنە العىس حاتتارىمەن ماراپاتتالدى. سونداي-اق, وبلىستىڭ بٸلٸم سالاسىنا ٷلەس قوسقان 8 ينۆەستور "ايماققا ەڭبەگٸ ٷشٸن" مەدالٸمەن ماراپاتتالسا, 650 ۇستاز وبلىستىق بٸلٸم باسقارماسىنىڭ قۇرمەت گراموتاسىنا يە بولدى.
