وبلىستىق ەنەرگەتيكا جانە تۇرعىن ۇي-كوممۋنالدىق باسقارماسىنىڭ مالىمەتىنە قاراعاندا، باقاناس اۋىلىندا تابيعي گازعا قوسىلۋعا 2137 ابونەنت مۇمكىندىك الدى، 500-دەن استام ءۇي كوگىلدىر وتىنعا قوسىلۋعا دايىن. قازىرگى كەزدە نىسان «قازترانسگازايماق» اق بالانسىنا وتكىزىلۋدە.
«جۇمىسپەن قامتۋ جول كارتاسى» باعدارلاماسىنىڭ شەڭبەرىندە 876،1 ملن. تەڭگەلىك «بالقاش اۋدانىنىڭ اقدالا اۋىلىنا گاز جەتكىزۋ قۇبىرىنىڭ جانە گاز تاراتۋ قۇبىرى قۇرىلىسىنىڭ» جوباسى اياقتالۋعا جاقىن.
سول سياقتى الاكول، اقسۋ، سارقان اۋداندارىن گازداندىرۋ ءۇشىن «قاپال»، «جانسۇگىروۆ»، «سارقان»، «قويلىق»، «قابانباي» جانە «ءۇشارال» اگتس-تارىنا بۇرىلاتىن «ءتالدىقورعان-ۇشارال» ماگيسترالدى گاز قۇبىرى قۇرىلىسىنىڭ» جوبالىق-سمەتالىق قۇجاتتارى دايىندالىپ جاتىر. گاز قۇبىرى تراسساسىنىڭ جالپى ۇزىندىعى 318 كم بولادى. «تالدىقورعان - ءۇشارال» ماگيسترالدى گاز قۇبىرىنان بارلىعى 148 ەلدى مەكەنگە گاز جەتكىزىلەدى، ياعني 156،4 مىڭ ادام گازبەن قامتىلادى دەگەن ءسوز.
سول سياقتى رايىمبەك پەن كەگەن اۋداندارىنىڭ اۋىلدارىن گازداندىرۋ ءۇشىن «شەلەك-كەگەن-نارىنقول» ماگيسترالدى گاز قۇبىرى قۇرىلىسىنىڭ» جسق دايىندالۋدا. بۇل ماقساتقا وبلىستىق بيۋدجەتتەن 316،3 ملن. تەڭگە ءبولىندى. سونىڭ ناتيجەسىندە 17،4 مىڭ حالىق تۇراتىن 23 ەلدى مەكەن گازداندىرىلادى.
جالپى وسىنداي جۇمىستاردىڭ ارقاسىندا كەلەسى جىلى الماتى وبلىسىنىڭ گازداندىرىلۋ دەڭگەيىن 64%-كە جەتكىزۋ جوسپارلانعان.
