Oblystyq energetıka jáne turǵyn úı-kommýnaldyq basqarmasynyń málimetine qaraǵanda, Baqanas aýylynda tabıǵı gazǵa qosylýǵa 2137 abonent múmkindik aldy, 500-den astam úı kógildir otynǵa qosylýǵa daıyn. Qazirgi kezde nysan «QazTransGazAımaq» AQ balansyna ótkizilýde.
«Jumyspen qamtý jol kartasy» baǵdarlamasynyń sheńberinde 876,1 mln. teńgelik «Balqash aýdanynyń Aqdala aýylyna gaz jetkizý qubyrynyń jáne gaz taratý qubyry qurylysynyń» jobasy aıaqtalýǵa jaqyn.
Sol sıaqty Alakól, Aqsý, Sarqan aýdandaryn gazdandyrý úshin «Qapal», «Jansúgirov», «Sarqan», «Qoılyq», «Qabanbaı» jáne «Úsharal» AGTS-taryna burylatyn «Taldyqorǵan-Úsharal» magıstraldy gaz qubyry qurylysynyń» jobalyq-smetalyq qujattary daıyndalyp jatyr. Gaz qubyry trassasynyń jalpy uzyndyǵy 318 km bolady. «Taldyqorǵan - Úsharal» magıstraldy gaz qubyrynan barlyǵy 148 eldi mekenge gaz jetkiziledi, ıaǵnı 156,4 myń adam gazben qamtylady degen sóz.
Sol sıaqty Raıymbek pen Kegen aýdandarynyń aýyldaryn gazdandyrý úshin «Shelek-Kegen-Narynqol» magıstraldy gaz qubyry qurylysynyń» JSQ daıyndalýda. Bul maqsatqa oblystyq búdjetten 316,3 mln. teńge bólindi. Sonyń nátıjesinde 17,4 myń halyq turatyn 23 eldi meken gazdandyrylady.
Jalpy osyndaı jumystardyń arqasynda kelesi jyly Almaty oblysynyń gazdandyrylý deńgeıin 64%-ke jetkizý josparlanǵan.
