رەسپۋبليكا بويىنشا تۇڭعىش رەت جۇزەگە اسقالى وتىرعان جوبانىڭ بۇرىنعىدان ءجونى بولەك. مۇندا بەلگىلى ءبىر وقۋ ورىندارىنىڭ وكىلدەرى تۇلەكتەرمەن تىلدەسىپ قانا قويمايدى. وزگەشە تۇرلەنگەن جوبادا الماتى وبلىسىنداعى 800 اۋىلداعى مەكتەپتەردىڭ 9-11 سىنىپ وقۋشىلارى تۇگەلىمەن قامتىلماق. ءار بالانىڭ قارىم-قابىلەتى جەكە-جەكە سارالانىپ، سوعان سايكەس، وقۋشىعا ماماندىققا قاتىستى باعىت-باعدار بەرىلمەك. كاسىپتىك باعدار بەرۋ جۇمىستارىندا تۇلەكتەرمەن بىرگە ولاردىڭ اتا-انالارى دا قامتىلادى. جوبا جەتەكشىلەرىنىڭ پايىمىنشا، بالانىڭ شەشىم قابىلداۋىنا اتا- انانىڭ پىكىرى اسەر ەتەدى. سول سەبەپتى اتا-اناعا دا بالاسىنىڭ بولاشاق ماماندىعىن تاڭداۋىندا نەگە اسا ءمان بەرۋ كەرەكتىگى، بولاشاقتا قانداي كاسىپتەر سۇرانىسقا يە بولاتىندىعى جايلى اقپارات بەرىلەدى.
جاستاردىڭ ءبىلىم بەرۋ گرانتتارى، كاسىپتىك وقۋ، ءتيىمدى ماماندىققا قاتىستى جۇيەلى ويىنىڭ قالىپتاسپاعانىن تىلگە تيەك ەتكەن الماتى وبلىسى ىشكى ساياسات باسقارماسىنىڭ باشىسى بولات كەرىمبەك جاڭا جوبا كوپ كۇتتىرمەي ءوز جۇمىسىن باستايتىندىعىن ايتتى.
– جوبا ءساۋىر ايىنىڭ 13-22 ارالىعىندا جۇزەگە اسادى. ءبىز ارنايى جۇمىس توبىن قۇردىق. ولار الداعى تاڭدا وبلىستىڭ ءار ايماعىنا بارىپ، ءتۇسىندىرۋ جۇمىستارىن وتكىزەدى. جوباعا قاتىستى اقپاراتتار ب ا ق بەتتەرىندە جاريالانادى، تەلەارنادا جۇگىرتپە جولدا اقپاراتتىق ءماتىندى ورنالاستىرۋ كوزدەلگەن. سونداي-اق ارنايى Call ورتالىق ىسكە قوسىلاتىن بولادى، – دەپ ايتتى بولات باقبەرگەن ۇلى.
«ومىرلىك باعدار» جوباسىنىڭ جۇمىس جوسپارىنا سايكەس، الداعى تاڭدا دارىندى وقۋشىلاردى قولداۋ ماقساتىندا قور قۇرىلماق. سونىمەن قاتار بالالاردى قورشاعان ورتانى قورعاۋعا باۋلۋ ءۇشىن مەكتەپ جانىنان «بوتانيكالىق ب ا ق» اشۋ كوزدەلىنىپ وتىر. جانە دە مەكتەپ وقۋشىلارى اراسىندا پىكىر-سايىس قوعالىسىن دامىتۋ قولعا الىنباق.
ايتا كەتەيىك، جوسپار بويىنشا «تەلەفونسىز مەكتەپ جانە كوللەدج» دەگەن پيلوتتىق جوبا جۇزەگە اساتىن بولادى. العاش بولىپ، بۇل باستاما تالدىقورعان قالاسىنداعى №9 مەكتەپتە ىسكە اسادى.
