Almaty oblysynda «Ómirlik baǵdar» jobasy iske qosylady
Respýblika boiynsha tuńǵysh ret júzege asqaly otyrǵan jobanyń burynǵydan jóni bólek. Munda belgili bir oqý oryndarynyń ókilderi túlektermen tildesip qana qoimaidy. Ózgeshe túrlengen jobada Almaty oblysyndaǵy 800 aýyldaǵy mektepterdiń 9-11 synyp oqýshylary túgelimen qamtylmaq. Ár balanyń qarym-qabileti jeke-jeke saralanyp, soǵan sáikes, oqýshyǵa mamandyqqa qatysty baǵyt-baǵdar berilmek. Kásiptik baǵdar berý jumystarynda túlektermen birge olardyń ata-analary da qamtylady. Joba jetekshileriniń paiymynsha, balanyń sheshim qabyldaýyna ata- ananyń pikiri áser etedi. Sol sebepti ata-anaǵa da balasynyń bolashaq mamandyǵyn tańdaýynda nege asa mán berý kerektigi, bolashaqta qandai kásipter suranysqa ie bolatyndyǵy jaily aqparat beriledi.
Jastardyń bilim berý granttary, kásiptik oqý, tiimdi mamandyqqa qatysty júieli oiynyń qalyptaspaǵanyn tilge tiek etken Almaty oblysy ishki saiasat basqarmasynyń bashysy Bolat Kerimbek jańa joba kóp kúttirmei óz jumysyn bastaityndyǵyn aitty.
– Joba sáýir aiynyń 13-22 aralyǵynda júzege asady. Biz arnaiy jumys tobyn qurdyq. Olar aldaǵy tańda oblystyń ár aimaǵyna baryp, túsindirý jumystaryn ótkizedi. Jobaǵa qatysty aqparattar BAQ betterinde jariialanady, telearnada júgirtpe jolda aqparattyq mátindi ornalastyrý kózdelgen. Sondai-aq arnaiy Call ortalyq iske qosylatyn bolady, – dep aitty Bolat Baqbergenuly.
«Ómirlik baǵdar» jobasynyń jumys josparyna sáikes, aldaǵy tańda daryndy oqýshylardy qoldaý maqsatynda qor qurylmaq. Sonymen qatar balalardy qorshaǵan ortany qorǵaýǵa baýlý úshin mektep janynan «Botanikalyq baq» ashý kózdelinip otyr. Jáne de mektep oqýshylary arasynda pikir-saiys qoǵalysyn damytý qolǵa alynbaq.
Aita keteiik, jospar boiynsha «Telefonsyz mektep jáne kolledj» degen pilottyq joba júzege asatyn bolady. Alǵash bolyp, bul bastama Taldyqorǵan qalasyndaǵy №9 mektepte iske asady.
