الماتى وبلىسىنىڭ اكىمى مارات سۇلتانعازييەۆ ايماقتاعى نازاربايەۆتاردىڭ قازىرگى ءرولى تۋرالى ايتتى، - دەپ حابارلايدى Dalanews.kz.
"الماتى وبلىسىندا مۇناي، كەن، قارجى سالاسى، بانكتەر دە جوق. ايماقتا ترانسۇلتتىق، ۇلكەن كومپانيالار بار نەمەسە ورتا بيزنەس دامىعان. سوندىقتان وبلىستا وليگارحتار ەمەس، ورتا دەڭگەيدەگى كاسىپكەرلەر"،- دەيدى اكىم Erbol Seilkhan يۋتۋب ارناسىنا بەرگەن سۇحباتىندا.
سونىمەن قاتار، سۇلتانعازييەۆ "وبلىستاعى ماڭىزدى تاعايىنداۋلار نازاربايەۆتاردىڭ ماقۇلداۋىمەن جۇرگىزىلەدى" دەگەن پىكىرگە قاتىستى ويىن ايتتى.
"جالپى قىزمەتكەرلەردى تاعايىنداۋدىڭ ءتارتىبى بار. ساياسي قىزمەتتى تاعايىنداۋ ءۇشىن ورتالىق ورگاننىڭ كەلىسىمى بولۋى كەرەك، تاجىريبەسى بولۋى كەرەك. كەيىننەن ونى پرەزيدەنت اكىمشىلىگى قارايدى. وبلىستىڭ ءبىرىنشى باسشىلارى سولاي تاعايىندالادى. اكىمدىكتە ورىنباسارلار، اۋدان اكىمدەرى سونداي كەلىسىمنەن وتەدى. باسقارماداعىلاردى تاعايىنداۋ ءۇشىن سالا مينيسترلىگىنىڭ كەلىسىمىن الۋ كەرەكپىز"، - دەيدى مارات سۇلتانعازييەۆ.
سونداي-اق سۇحبات بارىسىندا مارات سۇلتانعازييەۆ زامانبەك ءنۇرقادىلوۆتىڭ كەگەندەگى ءبيۋستىنىڭ اشىلۋىنا نەگە بارماعانىن ءتۇسىندىردى.
"مەن قاڭتار ايىندا ول كىسىنىڭ اسىنا قاتىسقانمىن. دۇيسەنبى - جۇمىس كۇنى بولدى، ارتىنشا ۇكىمەت وتىرىسى بولدى. ياعني جۇمىس كەستەسىنە بايلانىستى بارا المادىم. ءبىراق ورىنباسارىم بولدى"،- دەيدى اكىم.
ودان بولەك، اكىم شەرزات بولاتتىڭ ءۇيى ورتەنىپ كەتكەننەن كەيىن ونىڭ وتباسىنا ءۇي بەرۋ ماسەلەسى تۋرالى پىكىرىن ايتتى.
"ءۇي ورتەنگەننەن كەيىن وبلىستاعى مەسەناتتار كومەك بەردى. ول اكىمدىك تاراپىنان ۇيىمداستىرۋمەن بولدى. ءبىز وتباسىنا ءۇي جالداۋدى ۇسىندىق. الايدا ولار "جالداۋدىڭ قاجەتى جوق، جاقىندا اتا-انامىز تۇرادى، سول جەردەن شىعارامىز" دەدى. ءۇي سالۋ بويىنشا: ءبىز ۇسىنىس جاسادىق، اۋدان اكىمى سويلەستى، ولار ءۇي ماسەلەسىن كوكتەمگە دەيىن قالدىرۋدى ۇسىندى. ول دا دۇرىس شىعار. سەبەبى ءقازىر تەرگەۋ ءجۇرىپ جاتىر، ارنايى ورگاندار، ونىڭ ىشىندە تجد ساراپتاما جۇرگىزدى. ءبىراق قىستا جاي وتىرا بەرمەي، ءۇيدىڭ سالىنۋى قۇجاتتارىن رەتتەي باستاۋ بويىنشا اۋدان اكىمدەرىنە تاپسىرما بەردىم"، - دەيدى مارات سۇلتانعازييەۆ.
وبلىس اكىمى ءۇي سالۋ ماسەلەسىن شەرزاتتىڭ وتباسى كوكتەمگە دەيىن قالدىرۋدى ۇسىنعانىن تاعى دا اتاپ ءوتىپ، سول ۋاقىتتا ورتەنگەن ءۇيدىڭ ورنىنا جاڭا باسپانا سالىناتىنىن ايتتى.
