وتاندىق تۋريستەردەن بولەك، شەكارا اسىپ كەلۋشىلەردىڭ سۇيىكتى دەمالىس ورنى، تابيعاتتىڭ ىنجۋى-كولساي كولى. دەمالۋشىلار سانى جىل ساناپ ارتىپ كەلە جاتقان اتالعان ايماقتا ىشكى تۋريزم دامۋدا. سايكەسىنشە، قوناق ءۇي كاسىبى دە جاندانا تۇسكەن.

ساتىدان كولسايعا اپارار جولدىڭ بويىندا ورنالاسقان قوناق ءۇيدى قۇرىلىسى 2 جىل جۇرگىزىلگەن.  ەكى قاباتتى نىساننىڭ ءىشى زامان تالابىنا ساي جاساقتالعان. قوناق ۇيدە 40 ادامعا لايىقتالعان 20 جاتىن ورىن دايىندالعان. ساپاسى تاماشا، كورىنىسى كوز تارتارلىق ساۋلەت ونەرى، وتكەن ادامدى وزىنە قىزىقتىرماي قويماسى انىق.

كولساي كولىنەن 5 مينۋتتىق جەردە ورىن تەپكەن Kolsay Grand - ەكو قوناق ءۇي. اتى ايتىپ تۇرعانداي، عيمارات يەلەرى مۇندا تابيعيلىقتى الدىڭعى ورىنعا شىعارعان. ايتۋلارىنشا،  قوناق ءۇي مازىرىندەگى تاعامدار  تەك وزدەرى  قولدان جاسايتىن تابيعي ونىمدەردەن دايىندالادى ەكەن. وزگەلەردەن ەرەكشەلىگى دە وسىندا. ەت، كوكونىستەر، جەمىستەر ءبارى تابيعي ازىق-تۇلىكتەر قاتارىنان الىنادى.

«ەڭ اۋەلى بارلىق جاعداي كەلۋشىلەر ءۇشىن جاسالادى. ولار بىزدەن جوعارى ساپالى قىزمەت الۋىنا بارىمىزدى سالامىز. كەلۋشىلەردىڭ كوڭىلدەرى تولسا سودان اسقان باقىت جوق. ويتكەنى كوماندامىزدىڭ كاسىبيلىگىنە باعا بەرەتىندە قوناقتار»،-دەيدى Kolsay Grand قوناق ءۇيىنىڭ ديرەكتورى الىشەر تايجانوۆ.



عيماراتتىڭ قاپتالىندا «گلەمپينگ» سالىنعان. گلەمپينگ – بۇل تابيعاتتا جوعارى دارەجەدە دەمالۋ. كولساي كولىنىڭ ماڭىندا بوي كوتەرگەن نىسانداعى گلەمپينگتىڭ ەرەكشەلىگى مۇندا تازا اۋادا قۇرىلاتىن شاتىرلاردى جۇمساق توسەگى بار جايلى ءۇي الماستىرادى. سونداي-اق، شومىلۋعا ارنالعان وزەننىڭ ورنىنا ارنايى جۋىناتىن بولمەسى بولادى. بۇدان بولەك، بۇقتىرما تاماقتاردى، ءدامى ءتىل ۇيىرەتىن مەيرامحانا تاعامدارى الماستىرادى ەكەن. مۇنداي دەمالىس جابايى تابيعاتتىڭ  قۇشاعىندا بولۋدى ۇناتاتىندارعا ارنالعان.

«ءدال وسى ماڭنان كاسىپ اشۋ العاش رەت كولساي كولىنە كەلگەن كەزدە ويعا كەلدى. كەيىن ءىستىڭ قامىنا كىرىستىك. ەكى جىلدىڭ ىشىندە سالىپ بىتتىك.  الداعى تاڭدا اۋلادا تۇرعان «گلەمپينگ» سانىن ۇلعايتقىمىز كەلەدى. قانشا ايتقان مەن ەكو قوناق ءۇي باعىتىن ۇستاندىق قوي. ءالى تالاي جۇمىس بار جاسالاتىن»،-دەيدى الىشەر ابەن ۇلى.

ايتا كەتەيىك، مۇندا ءبىر كۇنگە تۇراقتاۋ 15 مىڭ تەڭگەگە شىعادى. ەڭ شەكتى باعا 36 مىڭعا دەيىن بارادى. اتالعان قاراجاتقا جاتىن ورىن مەن ءۇش ۋاقىت تاماقتانۋى كىرەدى.  تيان-شان تاۋىنىڭ ەتەگىندەگى كولسايدىڭ سۇلۋلىعىن كورەمىن دەۋشى تۋريستەر قاۋىمى ايالدايتىن كوركەم مەكەن كەرەمەتتى كەرەك ەتپەيدى. ءوز سۇلۋلىعى ءون بويىڭدى باۋراپ الادى.