الماتى وبلىسىنىڭ نەگىزگى اۆتوماگيسترالدارىندا 11 زاماناۋي «سۇڭقار» اپپاراتتىق-باعدارلامالىق كەشەنى پايدالانۋعا بەرىلدى، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
– بۇل جوعارى تەحنولوگيالىق جۇيەلەر الماتى-كوكپەك-كوكتال، الماتى-شەلەك-قورعاس جانە الماتى-وسكەمەن تراسسالارىندا ورناتىلعان. «سۇڭقار» كەشەندەرى جول جاعدايىن تاۋلىك بويى باقىلاۋعا ارنالعان.
ولار جىلدامدىق رەجيمىنەن اسىپ كەتۋدى، جول قوزعالىسى ەرەجەلەرىن بۇزۋدى جانە جۇرگىزۋشىلەردىڭ باسقا دا ءقاۋىپتى ارەكەتتەرىن تىركەيدى. ەنگىزۋدىڭ ماقساتى –اپاتتىلىقتى ازايتۋ، كولىك جۇرگىزۋ مادەنيەتىن ارتتىرۋ جانە جول قاۋىپسىزدىگىن قامتاماسىز ەتۋ، – دەپ اتاپ ءوتتى وبلىستىق اكىمشىلىك پوليسيا باسقارماسىنىڭ باستىعى ەركەبۇلان احمەتوۆ.
جۇيە اجىراتىمدىلىعى جوعارى كامەرالار مەن باعدارلامالىق جاساقتامانىڭ كومەگىمەن بۇزۋشىلىقتاردى ءتۇسىرۋ ارقىلى اۆتوماتتى تۇردە جۇمىس ىستەيدى. الىنعان مالىمەتتەر ءبىرىڭعاي بازاعا جولدانادى، وندا ولار وڭدەلەدى جانە جۇرگىزۋشىلەردى جاۋاپكەرشىلىككە تارتۋعا نەگىز بولادى.
– جول قاۋىپسىزدىگىن قامتاماسىز ەتۋ – ءبىزدىڭ باستى باسىمدىعىمىز. «سۇڭقار» سياقتى تەحنولوگيالار قوزعالىسقا قاتىسۋشىلاردىڭ ءومىرى مەن دەنساۋلىعىن قورعاي وتىرىپ، ءتيىمدى ءارى جەدەل ارەكەت ەتۋگە كومەكتەسەدى، – دەپ تولىقتىردى ەركەبۇلان احمەتوۆ.
