Almaty oblysynyń negizgi avtomagistraldarynda 11 zamanaýi «Suńqar» apparattyq-baǵdarlamalyq kesheni paidalanýǵa berildi, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
– Bul joǵary tehnologiialyq júieler Almaty-Kókpek-Kóktal, Almaty-Shelek-Qorǵas jáne Almaty-Óskemen trassalarynda ornatylǵan. «Suńqar» keshenderi jol jaǵdaiyn táýlik boiy baqylaýǵa arnalǵan.
Olar jyldamdyq rejiminen asyp ketýdi, jol qozǵalysy erejelerin buzýdy jáne júrgizýshilerdiń basqa da qaýipti áreketterin tirkeidi. Engizýdiń maqsaty –apattylyqty azaitý, kólik júrgizý mádenietin arttyrý jáne jol qaýipsizdigin qamtamasyz etý, – dep atap ótti oblystyq ákimshilik politsiia basqarmasynyń bastyǵy Erkebulan Ahmetov.
Júie ajyratymdylyǵy joǵary kameralar men baǵdarlamalyq jasaqtamanyń kómegimen buzýshylyqtardy túsirý arqyly avtomatty túrde jumys isteidi. Alynǵan málimetter biryńǵai bazaǵa joldanady, onda olar óńdeledi jáne júrgizýshilerdi jaýapkershilikke tartýǵa negiz bolady.
– Jol qaýipsizdigin qamtamasyz etý – bizdiń basty basymdyǵymyz. «Suńqar» siiaqty tehnologiialar qozǵalysqa qatysýshylardyń ómiri men densaýlyǵyn qorǵai otyryp, tiimdi ári jedel áreket etýge kómektesedi, – dep tolyqtyrdy Erkebulan Ahmetov.
