الماتى وبلىسى ٸلە اۋدانىنداعى مۇحامەدجان تٷيمەباەۆ اۋىلىندا ورنالاسقان №20 ورتا مەكتەپتٸڭ جەرتٶلەسٸن تاعى سۋ باسىپ, اتا-انالار دابىل قاعۋدا. ميللياردتان استام قارجى جۇمسالىپ, جۋىردا عانا قولدانىسقا بەرٸلگەن بٸلٸم ورداسىنىڭ قازٸرگٸ جاعدايى جۇرتشىلىقتىڭ نارازىلىعىن تۋدىردى, دەپ حابارلايدى Dalanews.kz.
Almaty.tv ٸلە اۋدانىنىڭ باس اۋرۋىنا اينالعان مەكتەپتەن تاعى شۋ شىققانى تۋرالى رەپورتاج ەزٸرلەگەن. 900 وقۋشىعا ارنالعان مەكتەپ بيىل قىركٷيەكتە بٸر جىلدىق جٶندەۋدەن كەيٸن قايتا اشىلعان. الايدا ارادا بٸرنەشە اي ٶتپەي جاتىپ, جەرتٶلە سۋعا تولىپ, قابىرعالار سىز تارتىپ, اشىق جاتقان ەلەكتر سىمدارى مەن ىلعال دەلٸزدەر پايدا بولعان. اتا-انالار تٷسٸرگەن بەينەجازبالاردا مەكتەپ ٸشٸندەگٸ قاۋٸپتٸ جاعداي انىق كٶرٸنەدٸ.
اۋىل تۇرعىندارىنىڭ ايتۋىنشا, جٶندەۋ جۇمىستارى اسىعىس ەرٸ ساپاسىز جٷرگٸزٸلگەن. قابىرعالار جارىلىپ, عيماراتتىڭ قاۋٸپسٸزدٸگٸنە كٷمەن تۋىنداعان. بالالارى وسى مەكتەپتە وقيتىن اتا-انالار ارنايى كوميسسييا شاقىرىپ, نىساندى تولىق تەكسەرۋدٸ تالاپ ەتۋدە.
مەردٸگەر كومپانييا ٶكٸلدەرٸ سۋدىڭ كەرٸزدەن ەمەس, جەر استى سۋلارىنىڭ كٶتەرٸلۋٸنەن شىققانىن ايتادى. ال بٸلٸم بٶلٸمٸ ناقتى سەبەپتٸ ەلٸ انىقتاي الماعانىن مەلٸمدەدٸ. رەسمي دەرەككە سەيكەس, مەكتەپ عيماراتى بۇعان دەيٸن اپاتتى دەپ تانىلىپ, اۋدان ەكٸمدٸگٸنٸڭ تەڭگەرٸمٸنە ٶتكەن. كەيٸن سەيسموكٷشەيتۋ جەنە قالپىنا كەلتٸرۋ جۇمىستارىنا بٸر ميلليارد تەڭگەدەن استام قارجى بٶلٸنگەن. بۇل تۋرالى Dalanews ارنايى ماتەريال جارييالاعان.
ٸلە اۋدانى ەكٸمدٸگٸندە نىسان ەلٸ تولىق قابىلدانباعانىن, انىقتالعان كەمشٸلٸكتەر بويىنشا مەردٸگەر كومپانيياعا سوت ارقىلى تالاپ قويىلعانىن حابارلادى. قازٸر جەرتٶلەدەگٸ سۋدى درەناجدىق جٷيە ارقىلى سورىپ شىعارۋ جۇمىستارى جٷرگٸزٸلۋدە. الايدا بۇل ەزٸرگە ۋاقىتشا شەشٸم عانا.
ون جىل بۇرىن سالىنعان مەكتەپتٸڭ قايتا جٶندەۋدەن كەيٸن دە ساپاسىز كٷيدە قالۋى – اتا-انالاردىڭ باستى الاڭداۋشىلىعى. ال جاۋاپتى ورگاندار مەسەلەنٸ تولىق تەكسەرٸپ, قوسىمشا ساراپتاما جٷرگٸزۋگە ۋەدە بەرٸپ وتىر.
