جىلىجاي كەشەنٸنٸڭ جالپى اۋدانى 5,1 گەكتاردى قۇرايدى. شارانىڭ اشىلۋ سالتاناتىنا «اگرارلىق نەسيە كورپوراتسيياسى» اق باسقارما تٶراعاسى ايبولات ەبەنوۆ, الماتى وبلىسىنىڭ اۋىل شارۋاشىلىعى باسقارماسىنىڭ باستىعى ماقسۇت جاپاروۆ, قاراساي اۋدانىنىڭ ەكٸمٸ جانداربەك دالاباەۆ جەنە «Eurasian Green Product» كومپانيياسىنىڭ دامۋ جەنە ستراتەگييالىق جوسپارلاۋ جٶنٸندەگٸ ديرەكتورى جاندوس تۇرسىنعاليەۆ قاتىستى.
ايبولات ەبەنوۆ ٶزٸنٸڭ قۇتتىقتاۋ سٶزٸندە مەملەكەتتٸڭ قارجى ينستيتۋتى اتالمىش نىسانعا قولايلى شارتتارمەن قاراجات بٶلگەنٸن اتاپ ٶتتٸ.
- بٷگٸن بٸز ٶز جەمٸسٸن بەرە باستاعان جىلىجاي كەشەنٸنٸڭ اشىلۋ سالتاناتىنا قاتىسىپ وتىرعانىمىزعا ٶتە قۋانىشتىمىز. قازٸر كومپانييا تاۋاردى جەرگٸلٸكتٸ نارىققا جەنە شەتەلگە جەتكٸزەدٸ. بۇل ٶتە جاقسى كٶرسەتكٸش, - دەدٸ ايبولات ەبەنوۆ.
ٶز كەزەگٸندە قاراساي اۋدانىنىڭ ەكٸمٸ جانداربەك دالاباەۆ جەرگٸلٸكتٸ بيۋدجەتكە سالىق تٷسٸمدەرٸ 100 ملن. تەڭگەدەن اساتىنىن حابارلادى.
جىلىجايدا 5 گەكتار جەرگە قىزاناق ەگٸلگەن. مۇندا جىلىنا 3 مىڭ توننا قىزاناق ٶندٸرٸلەتٸن بولادى.
جىلىجاي كەشەنٸ زاماناۋي تەحنولوگييالارمەن جابدىقتالعان, وندا جاڭا ەرٸ دەمدٸ قىزاناق ٶسٸرۋ ٷشٸن اۆتوماتتاندىرىلعان, قولايلى كليماتتىق جاعداي جاسالعان.
«Eurasian Green Produسt» جشس-نىڭ دامۋ جەنە ستراتەگييالىق جوسپارلاۋ جٶنٸندەگٸ ديرەكتورى جاندوس تۇرسىنعاليەۆتٸڭ ايتۋىنشا, ولاردىڭ ٶنٸمدەرٸ جوعارى دەمدٸك كٶرسەتكٸشتەرمەن ەرەكشەلەنەدٸ.
- 2018 جىلى بٸز جىلىجاي كەشەنٸنٸڭ قۇرىلىسىن باستادىق. مۇندا «Van der Hoeven» كومپانيياسىنىڭ ەدٸسٸ قولدانىلادى.
بۇل جىلىجايلاردىڭ ارتىقشىلىعى - كليماتتىڭ جاقسى باسقارىلۋى, ەنەرگييانى وڭتايلى پايدالانۋ, سونداي-اق قورعاۋ قۇرالدارىن از قولدانۋ. ەگٸلەتٸن قىزاناق سورتتارى - «مەرليس» جەنە «مەلانەزا». ەڭ باستىسى - كٶكٶنٸس ٶسٸرۋ كەزٸندە بٸز حيمييالىق قوسپالارسىز تابيعي ەدٸستٸ قولدانامىز, نەتيجەسٸندە ەكولوگييالىق تازا ٶنٸم بەرەدٸ, - دەدٸ جاندوس تۇرسىنعاليەۆ.
بولاشاقتا كومپانييا 2 ساتىلى جىلىجاي كەشەنٸن سالۋدى جوسپارلاپ وتىر. جىلىجاي كەڭەيتٸلگەننەن كەيٸن جەتٸسۋلىقتاردى قىزاناقپەن عانا ەمەس, قييارمەن دە قامتاماسىز ەتەتٸن بولادى.
قۇرىلىستىڭ ٷشٸنشٸ كەزەڭٸندە 5000 شارشى مەتردٸ كەزەڭ-كەزەڭمەن ٸسكە قوسا وتىرىپ, قولدانىستاعى 17 گا ۋچاسكەدە كٶكٶنٸس قويماسى سالىناتىن بولادى.
بٷگٸنگٸ كٷنٸ كومپانييادا 100 جەرگٸلٸكتٸ تۇرعىن جۇمىس ٸستەيدٸ. ولار ٶز ٸسٸنٸڭ شەبەرٸ, ۋاقىتتارىن اياماي, ادال ەڭبەكتەنٸپ كەلەدٸ. ولاردىڭ تاباندى ەڭبەكتەرٸنٸڭ ارقاسىندا قالا تۇرعىندارى ەڭ دەمدٸ قىزاناقتى ساتىپ الۋدا.
- بٸزدٸڭ اۋداندا وسىنداي جىلىجاي سالىنعانىنا ٶتە قۋانىشتىمىز. مۇنىڭ بەرٸ قوسىمشا جۇمىس ورىندارى. جۇمىس قيىن ەمەس. بٸز كٷن سايىن جاقسى ٶنٸم جينايمىز», - دەپ اتاپ ٶتتٸ كٶكٶنٸس ٶسٸرۋشٸ اينۇر بالداەۆا.
ەستەرٸڭٸزگە سالا كەتەيٸك, الماتى وبلىسىندا جىلىجاي شارۋاشىلىعى جاقسى دامۋ ٷستٸندە, بٷگٸندە 103,1 گەكتارعا 102 جىلىجايدان كەلەدٸ. 2020 جىلدىڭ قورىتىندىسى بويىنشا ٶنٸمنٸڭ جالپى تٷسٸمٸ 35,2 مىڭ توننانى قۇرادى, بيىل 41,2 مىڭ توننا جيناۋ جوسپارلانىپ وتىر.
ماۋسىمارالىق كەزەڭدە حالىقتى جاڭا پٸسكەن كٶكٶنٸستەرمەن قامتاماسىز ەتۋ ماقساتىندا جىلىجاي فەرمالارىنىڭ اۋماعىن ۇلعايتۋ جۇمىستارى جٷرگٸزٸلۋدە. ياعني, 2021 جىلى ۇيعىر اۋدانىندا تاعى 2 جىلىجاي ٸسكە قوسىلماق.
اۋىل شارۋاشىلىعى تاۋارىن ٶندٸرۋشٸلەرگە, سونداي-اق جىلىجاي شارۋاشىلىقتارىنا مينەرالدى تىڭايتقىشتاردى سۋبسيدييالاۋدىڭ 50%-عا دەيٸنگٸ جەنە پەستيتسيدتەردٸ سۋبسيدييالاۋدىڭ 40%-عا دەيٸنگٸ شىعىندارىن ٶتەۋ ٷشٸن مەملەكەت تاراپىنان ايتارلىقتاي قولداۋ كٶرسەتٸلۋدە. بۇعان قوسا, ينۆەستورلاردىڭ جىلىجايلاردى سالۋعا جەنە كەڭەيتۋگە جۇمساعان شىعىندارىنىڭ 25%-ى ٶتەلەتٸن بولادى.
