الماتى وبلىسىندا جولاۋشىلار اۆتوبۋسى مەن پويىزدىڭ قاتىسۋىمەن ءىرى جول-كولىك وقيعاسى بولدى. اپات الماتى - بورالداي - شامالعان ستانسياسى باعىتىنداعى تەمىرجول وتكەلىندە تىركەلگەن، دەپ حابارلايدى Dalanews.kz.
وڭىرلىك پوليسيا دەپارتامەنتىنىڭ مالىمەتىنشە، مارشرۋتتىق اۆتوبۋستىڭ جۇرگىزۋشىسى كومىر ستانسياسىنان كەلە جاتقان پويىزعا جول بەرمەي، سوقتىعىسقا جول بەرگەن. ءقازىر وقيعانىڭ بارلىق ءمان-جايىن انىقتاۋ ءۇشىن تەكسەرىس جۇرگىزىلىپ جاتىر.
جول اپاتى سالدارىنان التى ادام زارداپ شەكتى.
وبلىستىق دەنساۋلىق ساقتاۋ باسقارماسىنىڭ مالىمەتىنشە، زارداپ شەككەندەردىڭ بارلىعى جەدەل جاردەم بريگادالارى ارقىلى ىلە اۋداندىق ورتالىق اۋرۋحاناسىنا جانە بورالداي كەنتىنىڭ اۋداندىق اۋرۋحاناسىنا جەتكىزىلدى.
دارىگەرلىك تەكسەرۋدەن ءوتىپ، قاجەتتى مەديسينالىق كومەك كورسەتىلگەننەن كەيىن ناۋقاستار امبۋلاتوريالىق ەم قابىلداۋعا جىبەرىلدى.
اتالعان جاعداي الماتى وبلىستىق دەنساۋلىق ساقتاۋ باسقارماسىنىڭ باقىلاۋىندا.
