2024 جىلدىڭ ءبىرىنشى جارتىجىلدىعىندا الماتى وبلىسىندا ەكونوميكالىق ءوسىم كورسەتكىشى ايتارلىقتاي جاقسى كورسەتكىشكە جەتتى. بارلىق نەگىزگى سالالاردا وڭ ديناميكا ساقتالدى، ءىرى ينفراقۇرىلىمدىق جوبالاردى ىسكە اسىرۋ، جاڭا مەكتەپتەر سالۋ جانە اۆتوموبيل جولدارىن جوندەۋ جالعاسۋدا، ءوڭىردىڭ ينۆەستيسيالىق الەۋەتى ارتۋدا، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
«الدا ءوڭىرى وركەندەتۋ ءۇشىن كوپتەگەن مىندەت تۇر. ولاردىڭ ىشىندەگى ەڭ باستىسى – ەكونوميكانىڭ ءوسۋ قارقىنىن ساقتاۋ جانە ءوڭىر حالقىنىڭ ءومىر ءسۇرۋ ساپاسىن جاقسارتۋ»، – دەپ اتاپ ءوتتى اكىمدىك وتىرىسىندا الماتى وبلىسىنىڭ باسشىسى مارات سۇلتانعازييەۆ.
وبلىس اكىمىنىڭ ورىنباسارى رۋستام يساتايەۆ ءوڭىردىڭ اعىمداعى جاعدايى مەن دامۋ جولىنا ەگجەي-تەگجەيلى تالداۋ جاسادى. ول قىسقا مەرزىمدى ەكونوميكالىق ينديكاتوردىڭ 108،2% قۇراعانىن، بۇل وڭىرگە رەسپۋبليكادا 5ء-شى ورىندى يەلەنۋگە مۇمكىندىك بەرگەنىن اتاپ ءوتتى.
اۋىل شارۋاشىلىعى (106،4%، 192،2 ملرد تەڭگەگە ءوندىرىس) جانە ونەركاسىپ (105،2%، 884،3 ملرد تەڭگەگە ءونىم شىعارۋ) ەكونوميكانىڭ كوتەرىلۋىنە ەلەۋلى ۇلەس قوستى. ءوڭىردىڭ ينۆەستيسيالىق مۇمكىندىگى ارتا تۇسۋدە. ينۆەستيسيالاردىڭ ءوسىمى وتكەن جىلمەن سالىستىرعاندا 21% -دى قۇرادى.
وڭدەۋ ونەركاسىبىندە 3،6% ءوسىم بايقالادى، مەتالل بۇيىمدارىنىڭ، ەلەكتر جابدىقتارىنىڭ، قاعاز ونىمدەرىنىڭ جانە جەڭىل ونەركاسىپ تاۋارلارىنىڭ ءوندىرىسى ارتتى. الايدا حيميا ونەركاسىبىندە، رەزەڭكە جانە پلاستماسسا بۇيىمدارىن وندىرۋدە، سونداي-اق 18 جۇيە قۇراۋشى كاسىپورىننىڭ 5-دە كورسەتكىشتەردىڭ تومەندەۋى بايقالادى.
«كاسىپورىندارمەن جاعدايدى جاقسارتۋ ءۇشىن جۇيەلى جۇمىس جۇرگىزىلۋدە. مىسالى، مەملەكەت قوسىمشا ەنەرگەتيكالىق قۋاتتاردى الۋعا قولداۋ كورسەتەدى، بۇل بولاشاقتا ولاردىڭ ءوندىرىس قۋاتىن ارتتىرۋعا مۇمكىندىك بەرەدى. وسىلايشا، «ازيا اگرو-فۋد» زاۋىتى قىتايلىق كومپانيالارمەن دايىن ءونىمدى جەتكىزۋ بويىنشا ەكى ءىرى كەلىسىمشارتقا قول قويىپ، ونىڭ وندىرىستىك جۇكتەمەسىن 50%-دان 75%-عا دەيىن ارتتىردى. زاۋىتتىڭ ۇزدىكسىز جۇمىسىن قامتاماسىز ەتۋ ءۇشىن مەملەكەتتىك-جەكەشەلىك ارىپتەستىك شەڭبەرىندە جاڭا قوسالقى ستانسا سالۋ جوسپارلانۋدا.
ءوز سوزىندە رۋستام يساتايەۆ بيىل وڭدەۋ ونەركاسىبىندە 205 ميلليارد تەڭگەگە 16 جوبا ىسكە اسىپ جاتقانىن اتاپ ءوتتى. اۋىل شارۋاشىلىعىندا ءوندىرىستىڭ وسۋىنەن باسقا ينۆەستيسيالار بەلسەندى تۇردە تارتىلۋدا. 79،3 ميلليارد تەڭگەگە 22 جوبانى ىسكە اسىرۋ جوسپارلانۋدا. اۋىل تۇرعىندارىنا ءوز بيزنەسىن اشۋعا جانە جۇمىس ورىندارىن قۇرۋعا مۇمكىندىك بەرەتىن «اۋىل اماناتى» باعدارلاماسىنا ەرەكشە نازار اۋدارىلۋدا.
الايدا، وبلىس باسشىسىنىڭ پىكىرىنشە، باعدارلاما اياسىندا تولىق قۋاتىندا جۇمىس ىستەمەيتىن بورداقىلاۋ كەشەندەرى مەن ءسۇت-تاۋار فەرمالارىن جۇمىسقا قوسۋ قاجەت.
قۇرىلىس سالاسىندا تۇراقتى ءوسىم بايقالادى. جۇمىس كولەمى 14،5%-عا ارتىپ، 110،4 ملرد تەڭگەگە جەتتى. تۇرعىن ءۇيدى پايدالانۋعا بەرۋ ايتارلىقتاي ۇلعايتىلدى، 600 مىڭ شارشى مەترگە جۋىق ءۇي سالىندى. الەۋمەتتىك وسال توپتار ءۇشىن 21 ميلليارد تەڭگەگە 1304 پاتەر ساتىپ الۋ جوسپارلانۋدا.
جالپى وسىنداي وڭ ۇردىسكە قاراماستان، كەيبىر اۋدانداردا ەكونوميكالىق ءوسۋ بويىنشا جوسپارلى كورسەتكىشتەرگە قول جەتكىزىلمەدى. وسى ورايدا وبلىس باسشىسى اۋدان اكىمدەرىنە تۇراقتى ءوسۋدى قامتاماسىز ەتۋ جانە جوسپارلانعان كورسەتكىشتەرگە قول جەتكىزۋ ءۇشىن بارلىق مۇمكىندىكتى پايدالانۋ جونىندە تاپسىرما بەردى.
