كوشەتتەردى تەگىن تاراتۋ اكسياسى قالا تۇرعىندارىن كوپپاتەرلى ۇيلەردىڭ اۋلالارى مەن جالپى پايدالانۋ ورىندارىن كوگالداندىرۋعا تارتۋ ماقساتىندا وتكىزىلەدى.
شاعان، ۇيەڭكى، شەگىرشىن، تەرەك، قاراعان مەن قايىڭنىڭ كوشەتتەرىن كوشەتتەرى بەرىلەدى. وتىنىمدەر اعىمداعى جىلدىڭ 18-31 قازان ارالىعىندا قابىلدانادى. كوشەتتەردى بەرۋ اۋدان اكىمدىكتەرىندە جۇزەگە اسىرىلادى. الماتىلىقتار «جاسىل قالا» اكسياسىنىڭ العاشقى ەكى كۇنىندە 500 كوشەتكە ءوتىنىم قالدىردى.
اعاش وتىرعىزۋ 1-15 قاراشاعا جوسپارلانعان. وتىرعىزىلعان كوشەتتەر كەيىن فوتوەسەپ رەتىندە جىبەرىلۋى قاجەت.
جالپى، 2021 جىلى 350 مىڭعا جۋىق اعاش وتىرعىزۋ جوسپارلانۋدا، ونىڭ 64 594ء-ى كوكتەمدە وتىرعىزىلدى. كۇزگى كەزەڭدە 285 مىڭنان استام كوشەت وتىرعىزۋ جوسپارلانعان.
قالانىڭ جاڭا شاعىن اۋداندارىن كوگالداندىرۋعا ەرەكشە كوڭىل بولىنەدى. اعاشتاردىڭ باسىم بولىگى الاتاۋ، ناۋرىزباي اۋداندارىندا وتىرعىزىلادى.
بۇگىندە تۇركسىب اۋدانىنىڭ ماياك شاعىن اۋدانىندا 280 ءتۇپ جاپىراقتى اعاش وتىرعىزىلدى. شااج جانە قاراعايلى بوردىڭ بويىنا 8 مىڭنان استام اعاش وتىرعىزۋدىڭ دايىندىعى باستالدى.
