Kóshetterdi tegin taratý aktsiiasy qala turǵyndaryn kóppáterli úilerdiń aýlalary men jalpy paidalaný oryndaryn kógaldandyrýǵa tartý maqsatynda ótkiziledi.
Shaǵan, úieńki, shegirshin, terek, qaraǵan men qaiyńnyń kóshetterin kóshetteri beriledi. Ótinimder aǵymdaǵy jyldyń 18-31 qazan aralyǵynda qabyldanady. Kóshetterdi berý aýdan ákimdikterinde júzege asyrylady. Almatylyqtar «Jasyl qala» aktsiiasynyń alǵashqy eki kúninde 500 kóshetke ótinim qaldyrdy.
Aǵash otyrǵyzý 1-15 qarashaǵa josparlanǵan. Otyrǵyzylǵan kóshetter keiin fotoesep retinde jiberilýi qajet.
Jalpy, 2021 jyly 350 myńǵa jýyq aǵash otyrǵyzý josparlanýda, onyń 64 594-i kóktemde otyrǵyzyldy. Kúzgi kezeńde 285 myńnan astam kóshet otyrǵyzý josparlanǵan.
Qalanyń jańa shaǵyn aýdandaryn kógaldandyrýǵa erekshe kóńil bólinedi. Aǵashtardyń basym bóligi Alataý, Naýryzbai aýdandarynda otyrǵyzylady.
Búginde Túrksib aýdanynyń Maiak shaǵyn aýdanynda 280 túp japyraqty aǵash otyrǵyzyldy. ShAAJ jáne Qaraǵaily bordyń boiyna 8 myńnan astam aǵash otyrǵyzýdyń daiyndyǵy bastaldy.
