سەرٸك قۇسايىنوۆ الماتىلىقتار اراسىندا تروللەيبۋستار ٷلكەن قۇرمەتكە يە ەكەنٸن اتاپ ٶتتٸ. كٶلٸكتٸڭ بۇل تٷرٸ قالاعا قاجەت, بٸراق جاڭارعان نۇسقادا. «الماتىەلەكتروترانس» پاركٸن جاڭارتۋ تۋرالى ۋەدە ورىندالادى.
ەكٸم ورىنباسارىنىڭ ايتۋىنشا, سوڭعى رەت الماتى ٷشٸن تروللەيبۋستار 2012 جىلى ساتىپ الىنعان. قازٸرگٸ ۋاقىتتا قالا بويىنشا 215 بٸرلٸك جۇمىس ٸستەيدٸ, ونىڭ ٸشٸندە 34 تروللەيبۋستى ەسەپتەن شىعارۋ جوسپارلانۋدا.
– بٷگٸندە تروللەيبۋس پاركٸ 165 تەحنيكا بٸرلٸگٸ شىعاتىن توعىز باعىتقا قىزمەت كٶرسەتەدٸ. اي سايىن جولاۋشىلار اعىنى شامامەن 2,5 ملن ادامدى قۇرايدى, – دەدٸ سەرٸك. قۇسايىنوۆ.
ول سونداي-اق جەرگٸلٸكتٸ اتقارۋشى ورگانداردىڭ اەت ٶتەيتٸن بانك قارىزى ەسەبٸنەن 190 جاڭا تروللەيبۋس ساتىپ الۋ مٷمكٸندٸگٸن قاراستىراتىنىن اتاپ ٶتتٸ.
سونىمەن قاتار, قالادا تروللەيبۋستاردىڭ جٷرۋ جولىندا 41 شاقىرىمنان استام قولدانىستاعى كابەلدەر اۋىستىرىلدى, سونداي-اق 600-دەن استام جاڭا تٸرەكتەر ورناتىلدى, 172 شاقىرىم بايلانىس جەلٸسٸ قايتا جاڭارتىلدى. بۇل جۇمىستار تروللەيبۋستاردىڭ ٷزدٸكسٸز جۇمىس ٸستەۋٸ ٷشٸن جاسالدى.
2021 جىلدىڭ تامىز ايىندا سەيفۋللين كٶشەسٸندەگٸ 1-ۆوكزالدان رايىمبەك داڭعىلىنا دەيٸنگٸ تروللەيبۋستاردىڭ بايلانىس جەلٸلەرٸ اۋىستىرىلدى. بٷگٸندە وسى ۋچاسكەدە بايلانىس جەلٸلەرٸ ٷشٸن كرونشتەيندەردٸ ورناتۋ جۇمىستارى جٷرگٸزٸلۋدە. سونىمەن قاتار, ەۋەزوۆ كٶشەسٸ بويىمەن گوگول كٶشەسٸنەن تيميريازەۆ كٶشەسٸنە دەيٸنگٸ بايلانىس جەلٸلەرٸن اۋىستىرۋ جۇمىستارى باستالدى. جوبانىڭ اياقتالۋ مەرزٸمٸ – 2022 جىل.
سونداي-اق, سەرٸك قۇسايىنوۆ 2022 جىلى جوعارعى تالعار تاسجولىندا LRT قۇرىلىسىنىڭ باستالعانى تۋرالى ايتىپ بەردٸ. ول تيٸستٸ كەلٸسسٶزدەر جٷرگٸزٸلٸپ جاتقان ەلەۋەتتٸ ينۆەستور بار ەكەنٸن حابارلادى.
- تەمٸرجولداردىڭ نەگٸزگٸ بٶلٸگٸ الماتى وبلىسىنىڭ اۋماعى ارقىلى ٶتەتٸندٸكتەن, كەلٸسسٶزدەر پروتسەسٸنە جاۋاپتى تۇلعالاردى الماتى وبلىسى ەكٸمدٸگٸنەن دە تارتۋ تۋرالى شەشٸم قابىلداندى, - دەپ حابارلادى قالا ەكٸمٸنٸڭ ورىنباسارى. - جوبا ٶتە اۋقىمدى, كٶپتەگەن مەسەلەلەردٸ پىسىقتاۋ قاجەت. ينۆەستيتسييالار كٶلەمٸ, جوبانى ٸسكە اسىرۋ مەرزٸمدەرٸ جوبانىڭ تەحنيكالىق-ەكونوميكالىق نەگٸزدەمەسٸنٸڭ نەتيجەلەرٸ بويىنشا بەلگٸلٸ بولادى
قازٸرگٸ ۋاقىتتا ەلەۋەتتٸ ينۆەستور جوبانىڭ تەحنيكالىق-ەكونوميكالىق نەگٸزدەمەسٸن ەزٸرلەۋدٸ باستادى.
ايتا كەتەرلٸگٸ, جەڭٸل رەلستٸ كٶلٸك قۇرىلىسى كٶپتەن بەرٸ تالقىلانىپ كەلەدٸ, ول مەگاپوليستٸ دامىتۋدىڭ باس جوسپارىندا بار.
