Serik Qusaiynov almatylyqtar arasynda trolleibýstar úlken qurmetke ie ekenin atap ótti. Kóliktiń bul túri qalaǵa qajet, biraq jańarǵan nusqada. «Almatyelektrotrans» parkin jańartý týraly ýáde oryndalady.
Ákim orynbasarynyń aitýynsha, sońǵy ret Almaty úshin trolleibýstar 2012 jyly satyp alynǵan. Qazirgi ýaqytta qala boiynsha 215 birlik jumys isteidi, onyń ishinde 34 trolleibýsty esepten shyǵarý josparlanýda.
– Búginde trolleibýs parki 165 tehnika birligi shyǵatyn toǵyz baǵytqa qyzmet kórsetedi. Ai saiyn jolaýshylar aǵyny shamamen 2,5 mln adamdy quraidy, – dedi Serik. Qusaiynov.
Ol sondai-aq jergilikti atqarýshy organdardyń AET óteitin bank qaryzy esebinen 190 jańa trolleibýs satyp alý múmkindigin qarastyratynyn atap ótti.
Sonymen qatar, qalada trolleibýstardyń júrý jolynda 41 shaqyrymnan astam qoldanystaǵy kabelder aýystyryldy, sondai-aq 600-den astam jańa tirekter ornatyldy, 172 shaqyrym bailanys jelisi qaita jańartyldy. Bul jumystar trolleibýstardyń úzdiksiz jumys isteýi úshin jasaldy.
2021 jyldyń tamyz aiynda Seifýllin kóshesindegi 1-vokzaldan Raiymbek dańǵylyna deiingi trolleibýstardyń bailanys jelileri aýystyryldy. Búginde osy ýchaskede bailanys jelileri úshin kronshteinderdi ornatý jumystary júrgizilýde. Sonymen qatar, Áýezov kóshesi boiymen Gogol kóshesinen Timiriazev kóshesine deiingi bailanys jelilerin aýystyrý jumystary bastaldy. Jobanyń aiaqtalý merzimi – 2022 jyl.
Sondai-aq, Serik Qusaiynov 2022 jyly joǵarǵy Talǵar tasjolynda LRT qurylysynyń bastalǵany týraly aityp berdi. Ol tiisti kelissózder júrgizilip jatqan áleýetti investor bar ekenin habarlady.
- Temirjoldardyń negizgi bóligi Almaty oblysynyń aýmaǵy arqyly ótetindikten, kelissózder protsesine jaýapty tulǵalardy Almaty oblysy ákimdiginen de tartý týraly sheshim qabyldandy, - dep habarlady qala ákiminiń orynbasary. - Joba óte aýqymdy, kóptegen máselelerdi pysyqtaý qajet. Investitsiialar kólemi, jobany iske asyrý merzimderi jobanyń tehnikalyq-ekonomikalyq negizdemesiniń nátijeleri boiynsha belgili bolady
Qazirgi ýaqytta áleýetti investor jobanyń tehnikalyq-ekonomikalyq negizdemesin ázirleýdi bastady.
Aita keterligi, jeńil relsti kólik qurylysy kópten beri talqylanyp keledi, ol megapolisti damytýdyń bas josparynda bar.
