[caption id="attachment_18667" align="alignright" width="428"]
اۋىلدا يەسٸز قالعان قۇلازىعان ٷي. سىلاعى تٷسٸپ, كەتەۋٸ كەتە باستاعان. بٸر كەزدەرگٸ مەۋەلٸ باۋ-باقشاسى مەن بالا-شاعانىڭ ۋ-شۋى ارىلمايتىن اۋلاسىن ارام شٶپ باسىپ كەتكەن. قورا-قوپسىعىندا كەزبە كەسٸرتكٸ مەن قاراعاشتىڭ بۇتاعىنا قونعان قارا قارعادان باسقا تٸرلٸك يەسٸ كٶرٸنبەيدٸ. ٷيدٸڭ ەسٸگٸندە قۇلىپ تۇر...
بۇل – قۋانىش اۋىلىندا (زايسان) ەكە-شەشەمە ارناپ, مەن سالعان ٷي. ٶزٸمنەن كەيٸنگٸ ون بٸر باۋىر-قارىنداسىم وسىندا ٶستٸ. ٷيدٸ ٶزٸم سالسام دا, مۇندا مەن قوناق رەتٸندە عانا كەلەتٸن ەدٸم. (مەكتەپتٸ ناعاشىلارىمنىڭ قولىندا قارابۇلاق اۋىلىندا بٸتٸردٸم; ودان سوڭ زايساندا اۋداندىق گازەتتە ٸستەدٸم; ودان كەيٸن ٷش جىل تەڭٸز ەسكەرٸنە كەتتٸم; ەسكەردەن كەلە سالا – بەس جىل ۋنيۆەرستيتەت; بەس جىل ٶسكەمەندەگٸ جەكە تۇرمىس; كەيٸننەن وتباسىممەن الماتىعا قونىس اۋداردىم...).
قازاقتار – «قارا شاڭىراق», ورىستار – «وتچيي دوم» دەيدٸ. سول ٷيٸمنٸڭ ەندٸگٸ كەسپٸرٸ – وسى. ٸنٸمٸز ەكەۋٸمٸز ەكٸ جىل جٷرٸپ, ەر كٸرپٸشٸن ٶز قولىمىزبەن ساماننان قۇيىپ سالعان ٷيٸمنٸڭ كەتەۋسٸز كەيپٸ ٸشٸ-باۋىرىمدى ەزٸپ جٸبەرگەندەي بولدى. ەرٸكسٸز كٶزٸمە جاس الىپ, ٶڭەشٸمە كەپتەلگەن ٶكسٸكتٸ جۇتا الماي ۇزاق تۇردىم. قاسىما ەرگەن ەرعابيت دوسىم دا: «ەھ, زامان-اي!...» دەپ, بٸر كەمسەڭدەپ الدى...
بۇدان 26 جىل بۇرىن انام ەككەن كٶپجىلدىق گٷل (سۋرەتتٸ اشىپ قاراڭىز) عانا سارعايعان ساعىنىشتىڭ رەڭٸندەي بوپ, جايقالىپ تۇر. قورعاننان اتتاپ بارۋعا دەتٸم بارمادى: مٷلگٸگەن تىنىشتىق پەن شيرەك عاسىر بۇرىنعى ەستەلٸكتٸ ٷركٸتٸپ المايىن دەدٸم.
ەندٸ كٸمگە, نەگە ناليمىن? (ايتپاقشى, الماتىدا جاتىپ, يەن قالعان ٷيٸم ەسٸمە تٷسكەن سايىن, قارا شاڭىراقتى تاستاپ كەتكەن ٸنٸمدٸ تالاي رەت قامشىلاپ الدىم. ودان قايىر قايسى? ول بايعۇس تا (?) جۇمىسسىزدىقتان سەندەلٸپ, يەن قالعان اۋىلداداعى يتشٸلەگەن تٸرلٸكتەن قالاعا قاشۋعا مەجبٷر بولعانىن بٸلە تۇرسام دا, مەنەن تالاي-تالاي سٶز ەستٸپ جٷر. وسىدان الماتىعا بارا سالىپ, ونى وتباسىمەن كەرٸ كٶشٸرگٸم كەلەدٸ. بٸراق اللا دا, اقوردا دا ەدٸرام قالدىرعان بۇل اۋىلدان ول نە ٸزدەيدٸ?).
بۇنىڭ بەرٸن نەگە جٸپكە تٸزگەندەي ايتىپ وتىرمىن?
ايتاتىن سەبەبٸم – قۋانىش اۋىلىندا مۇنداي يەن قالعان ٷيلەر تۇتاس كٶشە-كٶشە بوپ, قاڭىراپ تۇر. كەزٸندە ورتالىق بولعان بٸزدٸڭ كٶشەدە جٷزگە تارتا ٷيدٸڭ ونعا تولار-تولماسىندا عانا تٸرشٸلٸك قالعان. بۇل اۋىلدا بٸر كەزدەرٸ 40 مىڭ قوي باققان كەڭشاردىڭ حالقى تۇردى دەگەنگە دەتٸڭ بارمايدى. بٸر جىلدارى بٸر-بٸر كولحوزدىڭ ورتالىعى بولعان ماڭايداعى كٶكجىرا, بٸرجان, اقارال اۋىلدارىنداعى جاعداي دا وسىنىڭ ارجاق-بەرجاعى: ٷدەرە كٶشكەن ەل, كٷيزەلگەن اۋىل, قاڭىراعان ٷيلەر.
...ورالحاننىڭ كەڭەس كەزٸنەن قالعان كٶك تراكتورى تار-تار وتالا جٶنەلمەگەندە, قۋانىشتا تٸرشٸلٸك توقتاپ قالعانداي ەكەن. مەن اڭىراعان اۋىلدان انو-و-ۋ-ۋ جىلدارعى ارقا-جارقا اعايىندارىمدى تابا الماي, زايسانداعى قوناق ٷيگە تٷنەۋگە قايتتىم. جول بويى جىلادىم-اي كەپ-كەپ-كەپ...
اۆتوردىڭ فەيسبۋكتەگٸ پاراقشاسىنان الىندى
