سونىمەن بىرگە الەۋمەتتىك سالاعا جاۋاپتى اۋدان، قالا اكىمدەرىنىڭ ورىنباسارلارى جانە جۇمىسپەن قامتۋ ورگاندارىنىڭ قىزمەتكەرلەرى شاقىرىلعان.
وبلىس اكىمىنىڭ ورىنباسارى الەۋمەتتىك قورعاۋ سالاسىنىڭ قىزمەتكەرلەرىن كاسىبي مەرەكەمەن قۇتتىقتاپ، ولاردىڭ قوعامداعى، تۇركىستان ءوڭىرىن دامىتۋداعى ەڭبەگىن جوعارى باعالادى. سالا ارداگەرلەرىمەن، ءقازىر ەڭبەك ەتىپ جۇرگەن قىزمەتكەرلەرمەن جانە مۇگەدەكتىگى بار ازاماتتارمەن كەزدەسىپ، ۇسىنىس-پىكىرلەرىن تىڭدادى.
سالتاناتتى جيىندا الەۋمەتتىك سالانىڭ ۇزدىك قىزمەتكەرلەرى ق ر ەڭبەك جانە الەۋمەتتىك قورعاۋ مينيسترلىگىنىڭ، تۇركىستان وبلىسى اكىمدىگىنىڭ، وبلىستىق ءماسليحاتتىڭ، «Nur Otan» پارتياسى تۇركىستان وبلىستىق فيليالىنىڭ جانە وبلىستىق كاسىپوداقتار ۇيىمىنىڭ گراموتالارى مەن العىسحاتتارىمەن ماراپاتتالدى.
بۇگىندە تۇركىستان وبلىسى بويىنشا الەۋمەتتىك سالادا 4 مىڭعا جۋىق قىزمەتكەر ەڭبەك ەتەدى.
وبلىستا الەۋمەتتىك قورعاۋ سالاسىندا قامقورلىقتى جانە كومەكتى قاجەت ەتەتىن جەكەلەگەن ساناتتاعى تۇرعىندار سانى 726،8 مىڭنان اسادى. اتاپ ايتساق، 176،1 مىڭ زەينەتكەر، 96،9 مىڭ مۇمكىندىگى شەكتەۋلى جان، از قامتاماسىز ەتىلگەن 218،1 مىڭ تۇرعىن بار. كوپبالالى وتباسىلار سانى بويىنشا تۇركىستان ءوڭىرى كوش باسىندا. وبلىستا «التىن القا»، «كۇمىس القا» يەگەرلەرى مەن كوپبالالى انالار سانى 160،8 مىڭعا جەتتى.
وڭىردە حالىقتىڭ الەۋەتىن كوتەرۋ ماقساتىندا «ەڭبەك» مەملەكەتتىك باعدارلاماسى، «Nur Otan» پارتياسىنىڭ جول كارتاسى جۇزەگە اسىرىلىپ جاتىر. «ەڭبەك» مەملەكەتتىك باعدارلاماسىن جۇزەگە اسىرۋعا 20،5 ملرد. تەڭگە قارالىپ، 78 مىڭنان استام ادام جۇمىسپەن قامتۋ شارالارىنا تارتىلدى. 2021 جىلى از قامتىلعان ازاماتتارعا مەملەكەتتىك بيۋدجەتتەن 37 ملرد. تەڭگەدەن استام قاراجات ءبولىنىپ، 218 مىڭ ادامعا الەۋمەتتىك كومەكتەر بەرىلگەن.
مۇگەدەكتىگى بار ازاماتتاردى الەۋمەتتىك قولداۋ باعىتىندا الەۋمەتتىك قىزمەتتەر پورتالى ەنگىزىلىپ، كومەككە مۇقتاج تۇرعىندار ءۇشىن قولايلى جاعداي جاسالعان.
