بۇگىنگى تاڭدا مەملەكەتتىك ورگانداردىڭ جانە تۇرعىن ءۇي-قۇرىلىس كووپەراتيۆتەرى ءتوراعالارىنىڭ جۇمىس ناتيجەلەرى بويىنشا وبەكتىلەر سانى 51-دەن 48-گە دەيىن ازايعان. ال 19 وبەكتى بويىنشا ءىس-قيمىلدار جوسپارلارى ايقىندالدى. مۇندا قۇرىلىستى سالىپ ءبىتىرۋ ۇلەسكەرلەرمەن ينۆەستورلاردى تارتۋ جولىمەن دەربەس جۇزەگە اسىرىلۋدا.
«29 ەرەكشە پروبلەمالى وبەكتى «نۇرلى جەر» مەملەكەتتىك تۇرعىن ءۇي قۇرىلىسى باعدارلاماسى اياسىندا اياقتالاتىن بولادى» دەدى اكىم ورىنباسارى.
باسپا ءسوز شاراسىنا قاتىسقان ق ر يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتىنىڭ ءتوراعاسى مارحابات جايىمبەتوۆتىڭ مەملەكەتتىك باعدارلاما شەڭبەرىندە ۇلتتىق قوردان 40 ملرد. تەڭگە كوزدەلىپ وتىرعانىن اتاپ ءوتتى.
اكىمدىكتىڭ ۋاكىلەتتى ۇيىمى «ەلوردا قۇرىلىس كومپانياسى» ج ش س 6 ملرد. تەڭگەنى يگەرىپ، اعىمداعى جىلى تاعى 14 ملرد. تەڭگەنى يگەرۋدى جوسپارلاپ وتىر. قالعان 20 ملرد. تەڭگە 2020 جىلدىڭ ءبىرىنشى جارتىجىلدىعىندا يگەرىلەتىن بولادى. تاياۋداعى 3-4 جىلدا قازىرگى پروبلەمالى وبەكتىلەردىڭ قۇرىلىسىن اياقتاۋ جوسپارلانىپ وتىر. «تۇرعىن ءۇي قۇرىلىسىنا ۇلەستىك قاتىسۋ تۋرالى» ق ر زاڭىنىڭ تالاپتارىن ساقتاۋعا جانە جەرگىلىكتى اتقارۋشى ورگاننىڭ تاراپىنان باقىلاۋدى جۇزەگە اسىرۋعا قاتىستى ساتىپ الۋشىلارعا ولارعا ماتەريالدىق زيان كەلتىرىلۋىن بولدىرماۋ ماقساتىندا نۇر-سۇلتان قالاسى اكىمدىگىنىڭ رەسمي سايتىندا قۇرىلىس سالۋشىلارعا اقشا تارتۋعا بەرىلگەن رۇقساتتار تۋرالى مالىمەتتەردى الۋ ۇسىنىلدى.
