Búgingi tańda memlekettik organdardyń jáne turǵyn úi-qurylys kooperativteri tóraǵalarynyń jumys nátijeleri boiynsha obektiler sany 51-den 48-ge deiin azaiǵan. Al 19 obekti boiynsha is-qimyldar josparlary aiqyndaldy. Munda qurylysty salyp bitirý úleskerlermen investorlardy tartý jolymen derbes júzege asyrylýda.
«29 erekshe problemaly obekti «Nurly jer» memlekettik turǵyn úi qurylysy baǵdarlamasy aiasynda aiaqtalatyn bolady» dedi ákim orynbasary.
Baspasóz sharasyna qatysqan QR Indýstriia jáne infraqurylymdyq damý ministrliginiń Qurylys jáne turǵyn úi-kommýnaldyq sharýashylyq isteri komitetiniń tóraǵasy Marhabat Jaiymbetovtyń memlekettik baǵdarlama sheńberinde Ulttyq qordan 40 mlrd. teńge kózdelip otyrǵanyn atap ótti.
Ákimdiktiń ýákiletti uiymy «Elorda qurylys kompaniiasy» JShS 6 mlrd. teńgeni igerip, aǵymdaǵy jyly taǵy 14 mlrd. teńgeni igerýdi josparlap otyr. Qalǵan 20 mlrd. teńge 2020 jyldyń birinshi jartyjyldyǵynda igeriletin bolady. Taiaýdaǵy 3-4 jylda qazirgi problemaly obektilerdiń qurylysyn aiaqtaý josparlanyp otyr. «Turǵyn úi qurylysyna úlestik qatysý týraly» QR Zańynyń talaptaryn saqtaýǵa jáne jergilikti atqarýshy organnyń tarapynan baqylaýdy júzege asyrýǵa qatysty satyp alýshylarǵa olarǵa materialdyq ziian keltirilýin boldyrmaý maqsatynda Nur-Sultan qalasy ákimdiginiń resmi saitynda qurylys salýshylarǵa aqsha tartýǵa berilgen ruqsattar týraly málimetterdi alý usynyldy.
