قازاقستاندا مەديتسينا كادرلارىنىڭ تاپشىلىعى جيٸ ايتىلعانىمەن, ٶڭٸرلەرگە بارعان جاس ماماندارعا جاسالاتىن ناقتى جاعداي كٶڭٸل كٶنشٸتپەي وتىر. بۇل تۋرالى ەنەل جۇمادٸل ەسٸمدٸ جاس دەرٸگەر ەلەۋمەتتٸك جەلٸدە اشىق مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, ٶزٸن الاتاۋ قالاسىنا دەرٸگەر رەتٸندە جۇمىسقا شاقىرعان. جۇمىس بەرۋشٸ تاراپىنان قىزمەتتٸك پەتەر بەرۋ جەنە تۇرعىن ٷيگە ارنالعان كٶتەرمەاقى قاراستىرىلاتىنى ايتىلعان. وسى ۋەدەلەرگە سەنٸپ, ول رەسمي تٷردە جۇمىسقا ورنالاسقان. الايدا قىزمەتتٸك تۇرعىن ٷيدٸ دەرٸگەرگە تەك ارادا ۋاقىت ٶتكەن سوڭ عانا كٶرسەتكەن.
«مۇنداي جەردە ادام تۇرا المايدى»
دەرٸگەردٸڭ سٶزٸنشە, الدىمەن ۇسىنىلعان پەتەردٸڭ جاعدايى تىم ناشار بولعان.
«العاش كٶرسەتٸلگەن پەتەردٸ تٸپتٸ ۆيدەوعا دا تٷسٸرە المادىم. ٸشٸندە اراق بٶتەلكەلەرٸ شاشىلىپ جاتىر, جٶندەۋ جۇمىستارى جاسالماعان, تٶبەسٸ وپىرىلعان, انتيسانيتارييا. مەن بٸردەن باس تارتۋعا مەجبٷر بولدىم», – دەيدٸ ول.
ونىڭ ايتۋىنشا, جاۋاپتى تۇلعالار بۇل پەتەرلەردە «مٷگەدەكتەر مەن باسقا دا ادامدار تۇرىپ جاتىر» دەپ جاۋاپ بەرگەن.
«سوندا مۇنداي تۇرعىن ٷيدٸ كەز كەلگەن ادامعا, تٸپتٸ تەگٸن بولسا دا, قالاي ۇسىنۋعا بولادى? مۇنداي جاعداي دەرٸگەر تٷگٸلٸ, باسقا ادام دا تۇرا المايدى», – دەپ جازدى دەرٸگەر.
«جٶندەلگەن» ەكٸنشٸ پەتەر دە كٶڭٸل كٶنشٸتپەدٸ
ەنەل جۇمادٸل كەيٸن ەكٸنشٸ قىزمەتتٸك پەتەر كٶرسەتٸلگەنٸن ايتادى. الايدا جاۋاپتى مەكەمە «جٶندەۋ جٷرگٸزٸلگەن» دەپ ايتقان بۇل ٷيدٸڭ دە جاعدايى تالاپقا ساي بولماعان.
«مۇندا جٶندەۋ جۇمىستارى جٷرگەن دەپ ايتۋعا كەلمەيدٸ. بۇل – دەرٸگەردٸڭ تۇرۋىنا ارنالعان جاعداي ەمەس», – دەيدٸ ول.
دەرٸگەر بۇل جاعدايدى «جاڭا قازاقستان» ۇعىمىمەن سەيكەستەندٸرۋ قيىن ەكەنٸن اشىق جازعان.
9,8 ملن تەڭگە تۋرالى ۋەدە قايدا قالدى?
جاس مامان تاعى بٸر ماڭىزدى جايتتى كٶتەردٸ. ونىڭ ايتۋىنشا, جۇمىسقا قابىلدانار كەزدە ٶزٸنە تۇرعىن ٷي ساتىپ الۋعا 9,8 ملن تەڭگە كٶلەمٸندە قارجى بەرٸلەتٸنٸ رەسمي تٷردە ايتىلعان.
«وسى ۋەدەنٸڭ نەگٸزٸندە مەن شەشٸم قابىلدادىم, جۇمىسقا شىقتىم, بۇيرىق شىقتى. ال بٷگٸن عانا بۇل باعدارلامانىڭ 15 جەلتوقساننان كەيٸن جابىلعانىن ايتتى», – دەيدٸ ول.
دەرٸگەر بۇل جاعدايدى جاۋاپسىزدىق دەپ باعالايدى.
«الدىمەن مەملەكەتتٸك قولداۋ ۋەدە ەتٸپ, ادامدى رەسمي جۇمىسقا ورنالاستىرىپ, كەيٸن بٸرجاقتى تٷردە “باعدارلاما جوق” دەگەندٸ قالاي تٷسٸنەمٸز? بۇل جەكە كومپانييا ەمەس, بۇل – ادامداردىڭ جٷيەگە دەگەن سەنٸمٸنە جاۋاپتى مەملەكەتتٸك قۇرىلىمدار», – دەپ جازدى ول.
ەنەل جۇمادٸل بۇل مەسەلەنٸ جەكە جاعداي رەتٸندە ەمەس, جٷيەلٸك پروبلەما رەتٸندە كٶتەرٸپ وتىرعانىن ايتادى.
«دەرٸگەرلەر ٶڭٸرلەرگە بارۋدان “بارعىسى كەلمەگەننەن” ەمەس, وسىنداي كٶزقاراستان بارعىسى كەلمەيدٸ. مۇنداي جاعدايدا ٶمٸر سٷرۋ دە, جۇمىس ٸستەۋ دە مٷمكٸن ەمەس», – دەيدٸ ول.
جاس دەرٸگەر ناقتى ەرەكەت پەن تەكسەرۋ جٷرگٸزۋدٸ تالاپ ەتتٸ.
«دەرٸگەر – ەكٸنشٸ سورتتى ادام ەمەس. قىزمەتتٸك تۇرعىن ٷي – جەرتٶلە ەمەس, كٸرگەننٸڭ ٶزٸنە ۇيالاتىن جەر بولماۋى كەرەك», – دەپ جازدى ول.
سونداي-اق جازباسىندا ول جەرگٸلٸكتٸ بيلٸك پەن مەملەكەت باسشىسىنا ٷندەۋ جاساپ, كٶمەك سۇرادى.
بٸز بۇل جايتتىڭ مەن-جايىن الاتاۋ قالاسىنىڭ ەكٸمدٸگٸنەن انىقتاۋعا تىرىسامىز. اقپارات قوسىمشا حابارلاناتىن بولادى.
