تۇركىستان وبلىسى بويىنشا ساتىپ الىنعان نوۋتبۋكتار تۋرالى الەۋمەتتىك جەلىدە، اقپاراتتىق سايتتار جەلىسىندە جارىسا جاريالاندى. وسى ورايدا، تۇركىستان وبلىسى ادامي الەۋەتتى دامىتۋ باسقارماسى تۇركىستان وبلىسىنداعى مەكتەپتەرگە كارانتين كەزىندە وقۋشىلاردى قاشىقتىقتان وقىتۋ جاعدايىندا قاجەتتى قۇرالدارمەن قامتاماسىز ەتۋ ماقساتىندا «مت-سەرۆيس» جشس-نەن سوماسى 3،4 ملرد تەڭگەنى قۇرايتىن 21 763 دانا نوۋتبۋكتار الىنعانىن حابارلايدى. ءبىر نوۋتبۋك قۇنى – 157 500 تەڭگە.

اتالعان قۇرالداردى قابىلداپ الۋ بارىسىندا باسقارما تاراپىنان جانە ءتۇرلى سالا ماماندارىنان جالپى 28 ادامنان قۇرالعان ارنايى كوميسسيا قۇرىلعان. ولار ق ر سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتىنىڭ وكىلدەرى، سيفروۆيزاسيا سالاسىنىڭ ماماندارى، سونىمەن قاتار، "نۇر وتان" پارتياسى مۇشەلەرى جانە قوعام بەلسەندىلەرى بولدى.

تەحنيكالىق قۇرالداردى كوميسسيا قابىلداپ الۋ بارىسىندا ارنايى قازاقستان رەسپۋبليكاسى ادىلەت مينيسترلىگىنىڭ «سوت ساراپتامالار ورتالىعى» رمقك فيليالى شىمكەنت قالاسى بويىنشا سوت ساراپتامالار ينستيتۋتىنىڭ №373 ساراپتاما قورىتىندىسىن نەگىزگە الا وتىرىپ، قابىلداۋ جۇرگىزگەن.

سونىمەن قاتار، نوۋتبۋكتاردى جەتكىزۋشى سەرىكتەستىك پاندەميا كەزىندە وقۋشىلارعا مينيسترلىكتىڭ تالابىندا مۇلدەم كورسەتىلمەگەن قوسىمشا (روۋتەرلار، مودەمدەر، سيم كارتالار) بەرىلگەن. سونداي-اق، قابىلداپ الىنعان نوۋتبۋكتاردىڭ كەپىلدەمە مەرزىمى ءبىر جىلعا جارامدى.

ايتا كەتەيىك، قاڭتار ايىنان باستاپ وسى كۇنگە دەيىن وقۋشىلارىمىز وسى نوۋتبۋكتاردى پايدالانىپ كەلدى. ىستەن شىققان نەمەسە جارامسىز تەحنيكالىق قۇرالداردى اتالعان كومپانيانىڭ ارنايى سەرۆيستىك ءبولىمى جوندەپ نەمەسە جاڭاسىنا اۋىستىرىپ بەرىپ وتىرعان. مۇندا جاۋاپكەرشىلىگى شەكتەۋلى سەرىكتەستىك ىستەن شىققان نەمەسە مۇلدەم ىستەمەي قالعان نوۋتبۋكتاردى الماستىرىپ بەرۋ تۇستارىن ءوز مىندەتەمەلەرىنە العان.