Ákimdik satyp alǵan noýtbýkter arnaiy komissiia qabyldap alǵan, zańǵa qaishy emes
Atalǵan quraldardy qabyldap alý barysynda basqarma tarapynan jáne túrli sala mamandarynan jalpy 28 adamnan quralǵan arnaiy komissiia qurylǵan. Olar QR sybailas jemqorlyqqa qarsy is-qimyl agenttiginiń Túrkistan oblysy boiynsha departamentiniń ókilderi, Tsifrovizatsiia salasynyń mamandary, sonymen qatar, "Nur Otan" partiiasy músheleri jáne qoǵam belsendileri boldy.
Tehnikalyq quraldardy komissiia qabyldap alý barysynda arnaiy Qazaqstan Respýblikasy Ádilet ministrliginiń «Sot saraptamalar ortalyǵy» RMQK filialy Shymkent qalasy boiynsha sot saraptamalar institýtynyń №373 Saraptama qorytyndysyn negizge ala otyryp, qabyldaý júrgizgen.
Sonymen qatar, noýtbýktardy jetkizýshi seriktestik pandemiia kezinde oqýshylarǵa Ministrliktiń talabynda múldem kórsetilmegen qosymsha (roýterlar, modemder, sim kartalar) berilgen. Sondai-aq, qabyldap alynǵan noýtbýktardyń kepildeme merzimi bir jylǵa jaramdy.
Aita keteiik, qańtar aiynan bastap osy kúnge deiin oqýshylarymyz osy noýtbýktardy paidalanyp keldi. Isten shyqqan nemese jaramsyz tehnikalyq quraldardy atalǵan kompaniianyń arnaiy servistik bólimi jóndep nemese jańasyna aýystyryp berip otyrǵan. Munda jaýapkershiligi shekteýli seriktestik isten shyqqan nemese múldem istemei qalǵan noýtbýktardy almastyryp berý tustaryn óz mindetemelerine alǵan.
