بۇگىندە كاسىپورىننىڭ ءپىسىرۋ سەحىنداعى زياندى زاتتتاردىڭ كولەمىن ازايتۋ ءۇشىن جالپى قۇنى 10 ملن دوللاردى قۇرايتىن نەمىس تەحنولوگياسى بويىنشا جاسالعان ەكى جاڭا ەلەكتر سۇزگىلەرىن ورناتۋدى جوسپارلاپ وتىر.
ءبىرىنشى سۇزگى وسى جىلدىڭ اقپان ايىندا ورناتىلدى. ءقازىردىڭ وزىندە ول جوعارى ناتيجەلەر كورسەتىپ، ءار شارشى مەتر جەردەن 50 مگ قالدىق توزاڭ جينايدى.
جوبا بويىنشا كاسىپورىننىڭ نەگىزگى كوزدەرىندەگى وندىرىستىك قالدىقتاردى مونيتورينگىلەۋدىڭ اۆتوماتتاندىرىلعان جۇيەسىن ىسكە قوسۋ جوسپارلانىپ وتىر. مۇنداي جۇيە اليۋمينيي زاۋىتىنىڭ سانيتارلىق-قورعاۋ اۋماعىندا جۇمىس ىستەپ تۇر.
ەۋرازيالىق توپ كومپانيالارىنىڭ بارلىق قىزمەتكەرلەرى وسى جۇيەنىڭ دەرەكتەرىن كورە الادى. ءابىلقايىر سقاقوۆ پاۆلودار قالاسىنىڭ تۇرعىندارىنا جۇيەدەگى دەرەكتەرمەن تانىسۋ مۇمكىندىگىن بەرۋدى سۇرادى.
ەڭ الدىمەن مونيتورينگ جۇيەسىنىڭ دەرەكتەرىن قالا كوشەلەرىندەگى LED-ەكرانداردا كورسەتۋگە بولادى. كاسىپورىن باسشىلىعى بۇل مۇمكىندىكتى قاراستىرۋعا ۋادە بەردى.
وبلىس اكىمى «قازاقستان ءاليۋمينييى» اق-ىڭ گيدرومەتاللۋرگيالىق سەحىنا دا باردى. قازاقستان ەلەكتروليز زاۋىتىندا ءابىلقايىر سقاقوۆ باستاپقى اليۋمينيي الىناتىن اليۋمينيي ەلەكتروليزىنىڭ سەحىندا بولدى.
