90-جىلدارى مۇنداي كٷردەلٸ ماماندار دايارلايتىن وقۋ ورىنداردىڭ ماتەريالدىق بازاسىن جاڭارتۋ – ەڭ ٶزەكتٸ مەسەلەلەردٸڭ بٸرٸ بولدى. بٸراق ەلٸمٸزدٸڭ ەكونوميكالىق ەلەۋەتٸ ارتقالى بۇل باعىتتاعى مەسەلەلەر بٸرتٸندەپ شەشٸلٸپ كەلەدٸ. بۇل جايىندا تاياۋدا جاڭا وقۋ-جاتتىعۋ زالى مەن جاڭا ۇشاقتار پاركٸنٸڭ اشىلۋ سالتاناتىندا ازاماتتىق اۆياتسييا اكادەميياسىنىڭ رەكتورى مۇحتار بايجۇمانوۆ بىلاي دەپ ويىن ورتاعا سالدى:
– بٷگٸندە بٸزدەر اكادەمييا تاريحىنداعى جارقىن سەتكە كۋە بولىپ وتىرمىز. وقۋ ورىن جاڭا وقۋ ۇشاقتارى مەن ساپالى نۇسقاۋشى قۇرامى, قازٸرگٸ زامانعا ساي زاماناۋي ترەناجەر, حالىقارالىق ستاندارت بويىنشا ۇشقىشتاردى دايىندايتىن جاڭا وقۋ ورتالىعىنىڭ تۇساۋىن كەسٸپ وتىر. مەملەكەت باسشىسى نۇرسۇلتان نازارباەۆ 100 ناقتى قادامدا 5 ينستيتۋتسيونالدى رەفورمانىڭ ورىندالۋى ٷشٸن بەسەكەگە قابٸلەتتٸ مامانداردى دايىنداۋدى جەتٸلدٸرۋ قاجەتتٸلٸگٸن, ۇشۋ قاۋٸپسٸزدٸگٸ مەن ەۋەتاسىمالداۋدى مەملەكەتتٸك رەتتەۋ تيٸمدٸلٸگٸن جاقسارتۋدى ەرەكشە اتاپ ٶتكەن ەدٸ. بٷگٸن بٸز سول العا قويعان ماقساتتىڭ ورىندالىپ وتىرعانىنا كۋە بولىپ وتىرمىز, – دەگەن بولاتىن.
ەلٸمٸزدە اۆياتسييا ماماندارىن دايارلايتىن جالعىز وقۋ ورنى ازاماتتىق اۆياتسييا اكادەميياسىنىڭ تٷلەكتەرٸ 10 يتالييالىق ۇشاعى مەن 2 زاماناۋي Airbus جەنە Boeing ترەناجەرلەرٸنە يە بولدى. بورالداي اەرودرومىندا اكادەمييا باسشىلىعى 10 يتالييالىق Tecnam ماركالى وقۋ ۇشاقتارىن كٶپشٸلٸككە تانىستىردى. ەندٸ اكادەمييا كۋرسانتتارى ەۋروپالىق ماماندار بٸلٸگٸن شىڭداپ جٷرگەن ەۋەكەمەلەرٸن پايدالاناتىن بولادى. ال جاڭا ترەناجەرلەر بولاشاق ۇشقىشتارعا جەر مەن ەۋەدەگٸ تٷرلٸ جاعدايلاردا قالاي دۇرىس ەرەكەت ەتۋ كەرەكتٸگٸن ٷيرەنۋگە كٶمەگٸن تيگٸزبەك.
جۋرناليستەر قاۋىمىنا جاڭا ترەناجەرلەردٸ تانىستىرعان ازاماتتىق اۆياتسييا اكادەميياسىنىڭ بٶلٸم مەڭگەرۋشٸسٸ باۋىرجان كٶرپەشوۆ:
– ترەناجەرگە وتىرعان كەزدە ۇشاقتا قانداي قيمىل-قوزعالىس بولاتىنىن تولىقتاي سەزٸنۋگە بولادى. كٶتەرٸلگەنٸ, قۇلديلاعانى, بۇرىلعانىن – بەرٸن شىنايى ٶمٸردەگٸدەي باستان كەشەسٸز. قالاي ۇشتىڭ, قايدا بۇرىلدىڭ, قانداي جىلدامدىقتا جٷردٸڭ, بيٸكتٸگٸڭ قانشا – وسىنىڭ بەرٸن كارتا ەسەپتەپ بەرەدٸ. سول بويىنشا قانداي قاتەلٸك كەتتٸ, سونى تٷزەۋگە قايتادان مٷمكٸندٸگٸ بولادى, – دەيدٸ.
قازٸرگٸ تاڭدا اتالمىش وقۋ ورنىنان تٷلەپ ۇشقان تالاي تٷلەكتەر, ەلٸمٸزدٸ ايتپاعان كٷندە, دٷنيەجٷزٸنٸڭ بٸرقاتار ەلدەرٸندە ەۋە كەمەلەرٸن تٸزگٸندەپ, كٶك اسپاندا سامعاپ جٷر. جەرٸمٸز كەڭ بولعان سايىن ەۋە سالاسىن دامىتۋدىڭ قانشالىقتى ماڭىزى زور ەكەنٸن تٷسٸنۋگە بولادى. كەڭ بايتاق ەلٸمٸز شاعىن اۆياتسييانى دامىتۋعا سۇرانىپ تۇر. بۇل رەتتە شاعىن اۆياتسييا ٶزدٸگٸنەن قۇرىلا سالمايتىنى بەلگٸلٸ. بۇل باعىتتا كٶپتەگەن جۇمىستار اتقارۋ قاجەت.
– ٶزدەرٸڭٸز دە بٸلەسٸزدەر, مەملەكەت باسشىسى نۇرسۇلتان نازارباەۆتىڭ «قازاقستان – 2050» ستراتەگيياسىندا 2013 جىلدان باستاپ زاماناۋي تەحنيكالىق جەنە ينجەنەرلٸك بٸلٸم بەرۋ جٷيەسٸندە حالىقارالىق سەرتيفيكاتتارعا يە بولعان جوعارى دەرەجەلٸ ماماندار دايارلاۋدى تاپسىرعان بولاتىن. بۇل باعىت بويىنشا قازٸر بٸلٸم جەنە عىلىم مينيسترلٸگٸنٸڭ قولداۋىمەن جان-جاقتى جۇمىستار جٷرگٸزٸپ جاتىرمىز. كەلەشەكتە ازاماتتىق اۆياتسييا اكادەميياسىنىڭ بازاسىندا ەۋە سالاسىنا قاجەتتٸ تەحنيكالىق مامانداردى دايارلاپ, ولارعا ارنايى سەرتيفيكات بەرەدٸ. قازٸر اكادەمييا تٸكۇشاقتى تٸزگٸندەيتٸن مامانداردى دايارلاۋدى قولعا الىپ وتىر. سونىمەن قاتار ەۋە كەمەلەرٸنە قىزمەت كٶرسەتەتٸن بٸلٸكتٸ تەحنيك مامانداردى دا بٸزدٸڭ اكادەمييادا تٷلەپ شىعىپ, وتاندىق اۆياتسييانىڭ ٶسٸپ-ٶركەندەۋٸنە ٶز ٷلەسٸن قوسىپ كەلەدٸ, – دەدٸ وقۋ ورىن باسشىسى.
دۋمان تاناباسوۆ
