24 قىركۇيەكتە سوچيدە Red ارەنادا Top Dog جۇدىرىقتاسۋ ليگاسىنىڭ چەمپيونى اتاعى ءۇشىن جەكپە-جەك وتەدى. كەشتىڭ باستى جەكپە-جەگىندە قازاقستاندىق ۇمىتكەر ءادىلجان "ادوس" ساندىبەكوۆ پەن جاۋىرىنى جەرگە تيمەگەن رەسەيلىك جاۋىنگەر دەنيس پوگودين كەزدەسەدى.
TOP DOG FC 16 جانكۇيەرلەرىنە ليگادا ەشقاشان جەڭىلىپ كورمەگەن سابازداردىڭ قاتىسۋىمەن بىردەن 3 جەكپە-جەك ۇسىنادى. ورتا سالماقتاعى مەين-كاردتا الەكساندر "سيەۆەر" سيەۆەرين (3 جەڭىس — 0 جەڭىلىس) تيمۋر "دوكتور" اكايموۆپەن (2 – 1) كۇش سىناساتىن بولادى. ەڭ جەڭىل سالماقتا حاۆاج وليگوۆتىڭ (3 – 0) جانە ماتين "تورنادو" شاروپوۆتىڭ (2 – 0) قاتىسۋىمەن ۇمىتكەرلەر جەكپە-جەگى وتەدى. اتالمىش كەشتىڭ باستى وقيعاسى جارتىلاي ورتا سالماقتاعى جۇزىك ءۇشىن 5-راۋندتىق جەكپە-جەك بولماق – قورجىنىندا 3 جەڭىسى بار، ۋاقىتىنان بۇرىن سۇلاتۋدىڭ شەبەرى دەنيس پوگودين (3 – 0) قازاقستاندىق ءادىلجان "ادوس" ساندىبەكوۆپەن كەزدەسەدى (4 – 2 – 1) جۇدىرىقتاسادى. پوگودين بۇل اتاقتى قورعاۋعا ءبىرىنشى رەت قاتىسادى.
الداعى وقيعا –"ادوستىڭ" Top Dog ليگاسىندا ونەر كورسەتۋ جولىنىڭ قانشالىقتى قيىن بولعانىن ەسكە ءتۇسىرىپ، قوستانايدان كەلگەن 21 جاسار سپورتشىدان چەمپيوندىق جەكپە-جەككە قانداي فيزيكالىق جانە ەموسيالىق دايىندىقپەن كەلگەنىن سۇراۋ ءۇشىن تاپتىرماس سەبەپ.
- TopDog ليگاسىنداعى دەبيۋتىڭ وڭايعا سوققان جوق. تەڭبە-تەڭ، جەڭىس، سودان كەيىن جەڭىلىس جانە تاعى دا تەڭ ءتۇسۋ. سودان كەيىن نە بولدى؟ سەن ەكى جەكپە-جەكتەن سەنىمدى جەڭىپ شىقتىڭ، ەندى ساقينا ءۇشىن بارىڭدى سالاسىڭ با؟
- العاشقى ايقاستى تەڭبە-تەڭ ناتيجەمەن اياقتادىم، بۇل جەكپە-جەك كوپتەگەن ادامدار ءۇشىن داۋ تۋعىزعانى راس، قالاي بولعاندا دا بۇل - مەنىڭ العاشقى تاجىريبەم. مەن جالپى ءوزىمنىڭ قايدا كەلگەنىمدى، اينالامدا نە بولىپ جاتقانىن تولىق تۇسىنبەي قالدىم. ەكىنشى جەكپە-جەكتەن باستاپ وسى فورماتقا ابدەن بەيىمدەلدىم، ال ەندى ۆالەرا زابوتينمەن ءۇشىنشى ۇرىسقا كەلەر بولساق... ەگەر ءسىز ءقازىر سول جەكپە-جەكتىڭ كورسەتىلىمىنىڭ استىنداعى پىكىرلەردى وقيتىن بولساڭىز، كورەرمەندەردىڭ 80 پايىزى تورەشىلەردىڭ ادىلەتسىزدىگىنە نارازى بولعانىن كورەسىز.
قالاي بولعاندا دا، جەكپە-جەك ءوز دەڭگەيىندە ءوتتى، ونىڭ قالاي وتكەنىنە توقتالۋدىڭ ەش قيسىنى جوق. مۇمكىن، ومىرىمدەگى باستى جەكپە-جەككە الاڭسىز دايىندالۋىم ءۇشىن سولاي بولعانى دۇرىس شىعار. مەنىڭ ويىمشا، قالاي وتۋگە ءتيىستى بولسا، سولاي ءوتتى. زابوتينمەن اراداعى جەكپە-جەك كوپشىلىكتىڭ كوڭىلىنەن شىقتى، بۇل ماعان قۋاتتى كۇش اعىنىن بەردى. مۇنداي قولداۋدىڭ ماڭىزى زور.
- دەگەنمەن، ءبىر جىلدان كەيىن سەن ەشكىمنىڭ الدىندا ەڭسەسى تۇسپەگەن دەنيس پوگودينمەن جۇزىك ءۇشىن شايقاسقا تۇسكەلى وتىرسىڭ. قارسىلاسىڭ تۋرالى نە ايتاسىڭ؟
- ارينە، قارسىلاسىم جاقسى، تاجىريبەلى جانە جەڭىلىپ كورمەگەن. ءبىراق مەن كەز-كەلگەن نارسەنىڭ كىلتىن اشۋعا بولادى دەپ ويلايمىن. بىرىنشىدەن، دەنيس ءوزىنىڭ ءۇش جەكپە-جەگىندە دە ءۇش راۋندتان تولىق ءوتىپ كورگەن جوق، تولىق قاشىقتىقتىڭ نە ەكەنىن سەزىنبەي قالدى. ەكىنشىدەن، ونىڭ سۇيەنەرى –بوكس، ول جۇدىرىقتاسۋدان مۇلدەم باسقا نارسە. كلاسسيكالىق ۇلگىدەگى بوكستىڭ بۇل جەردە ۇتارى شامالى. مەندە ءبارى جاقسى بولادى دەپ سەنەمىن جانە بۇل جەكپە-جەكتە قارسىلاستان باسىم تۇسەرىم انىق.
- بۇل جەكپە-جەكتەگى بۋكمەكەرلەردىڭ كوەففيسيەنتتەرى سەنىڭ پايداڭا قويىلماعانى قيتىعىڭا تيە مە؟ Olimpbet ساعان 1.53، پوگودينگە 2.34 ۇپاي تىگىپ، ونىڭ جەڭىسىن بولجاپ وتىر.
- تۇك ەتپەس! مەن اندەردوگ بولىپ ءبىرىنشى رەت شىعىپ وتىرعانىم جوق. وتكەن جەكپە-جەكتە ليگادا وتكىزىلگەن التى جەكپە-جەكتىڭ جالعىز بىرەۋىندە زالدىڭ 80%-ى مەنىڭ قارسىلاسىمدى ەمەس، مەنى قولداپ وتىردى. ەگەر ءسىز مەنىڭ بۇرىنعى شايقاستارىمدى كورگەن بولساڭىز، كورەرمەندەر مەنى ەشقاشان قولداماعان بولاتىن. بۇل ماعان سەرپىن بەرىپ، مەنى جىگەرلەندىردى.
- كورەرمەندەر كوزايىمىنا اينالعانىڭ تۋرالى نە ويلايسىڭ؟
- كوپشىلىكتىڭ ءوزىم تۋرالى پىكىرلەرىن وقىپ تۇرامىن. مەنى اقكوڭىل جىگىت دەپ سانايدى. مەن وزگەلەر تۋرالى جاعىمسىز پىكىر ايتۋدان اۋلاقپىن. قارسىلاستى مازاق ەتۋ، جەكپە-جەكتەن كەيىن جۇدىرىق سىلتەۋ سياقتى لاس نارسەلەرگە ارىم جىبەرمەيدى. مەن ەڭ الدىمەن سپورتشىمىن، مەن ءۇشىن ءتارتىپ – ءبىرىنشى ورىندا.
- وسىدان ءبىر جىل بۇرىنعى جانە قازىرگى ادوستى سالىستىراتىن بولساق، نە وزگەردى؟
- دايىندىعىم وزگەردى. مەن بۇل كومپونەنتكە مۇقيات قارايمىن. مەن دەنيس "داۋىل" دۋلامەن جانە "بەرسەركپەن" جەكپە-جەكتەردە شىڭدالىپ، جاقسى تاجىريبە جينادىم. جالپى، ءبىر ورىندا تۇرمايمىن، ءوز قاتەلىكتەرىمنەن ساباق الامىن، قازىرگى ۋاقىتتا جۇزىك ءۇشىن شايقاسقا ابدەن دايىنمىن.
#TDFC16 ءتۋرنيرى 24 قىركۇيەكتە سوچيدە (كراسنايا پوليانا) Red Arena الاڭىندا، باس سەرىكتەس Olimpbet قولداۋىمەن وتەدى، تىكەلەي ەفيردى Udar تەلەارناسى جۇرگىزەتىن بولادى.
