24 qyrkúıekte Sochıde Red arenada Top Dog judyryqtasý lıgasynyń chempıony ataǵy úshin jekpe-jek ótedi. Keshtiń basty jekpe-jeginde qazaqstandyq úmitker Ádiljan "Ados" Sándibekov pen jaýyryny jerge tımegen reseılik jaýynger Denıs Pogodın kezdesedi.
TOP DOG FC 16 jankúıerlerine lıgada eshqashan jeńilip kórmegen sabazdardyń qatysýymen birden 3 jekpe-jek usynady. Orta salmaqtaǵy meın-kardta Aleksandr "Sever" Severın (3 jeńis — 0 jeńilis) Tımýr "Doktor" Akaımovpen (2 – 1) kúsh synasatyn bolady. Eń jeńil salmaqta Havaj Olıgovtyń (3 – 0) jáne Matın "Tornado" Sharopovtyń (2 – 0) qatysýymen úmitkerler jekpe-jegi ótedi. Atalmysh keshtiń basty oqıǵasy jartylaı orta salmaqtaǵy júzik úshin 5-raýndtyq jekpe-jek bolmaq – qorjynynda 3 jeńisi bar, ýaqytynan buryn sulatýdyń sheberi Denıs Pogodın (3 – 0) qazaqstandyq Ádiljan "Ados" Sándibekovpen kezdesedi (4 – 2 – 1) judyryqtasady. Pogodın bul ataqty qorǵaýǵa birinshi ret qatysady.
Aldaǵy oqıǵa –"Adostyń" Top Dog lıgasynda óner kórsetý jolynyń qanshalyqty qıyn bolǵanyn eske túsirip, Qostanaıdan kelgen 21 jasar sportshydan chempıondyq jekpe-jekke qandaı fızıkalyq jáne emosıalyq daıyndyqpen kelgenin suraý úshin taptyrmas sebep.
- TopDog lıgasyndaǵy debútiń ońaıǵa soqqan joq. Teńbe-teń, jeńis, sodan keıin jeńilis jáne taǵy da teń túsý. Sodan keıin ne boldy? Sen eki jekpe-jekten senimdi jeńip shyqtyń, endi saqına úshin baryńdy salasyń ba?
- Alǵashqy aıqasty teńbe-teń nátıjemen aıaqtadym, bul jekpe-jek kóptegen adamdar úshin daý týǵyzǵany ras, qalaı bolǵanda da bul - meniń alǵashqy tájirıbem. Men jalpy ózimniń qaıda kelgenimdi, aınalamda ne bolyp jatqanyn tolyq túsinbeı qaldym. Ekinshi jekpe-jekten bastap osy formatqa ábden beıimdeldim, al endi Valera Zabotınmen úshinshi urysqa keler bolsaq... Eger siz qazir sol jekpe-jektiń kórsetiliminiń astyndaǵy pikirlerdi oqıtyn bolsańyz, kórermenderdiń 80 paıyzy tóreshilerdiń ádiletsizdigine narazy bolǵanyn kóresiz.
Qalaı bolǵanda da, jekpe-jek óz deńgeıinde ótti, onyń qalaı ótkenine toqtalýdyń esh qısyny joq. Múmkin, ómirimdegi basty jekpe-jekke alańsyz daıyndalýym úshin solaı bolǵany durys shyǵar. Meniń oıymsha, qalaı ótýge tıisti bolsa, solaı ótti. Zabotınmen aradaǵy jekpe-jek kópshiliktiń kóńilinen shyqty, bul maǵan qýatty kúsh aǵynyn berdi. Mundaı qoldaýdyń mańyzy zor.
- Degenmen, bir jyldan keıin sen eshkimniń aldynda eńsesi túspegen Denıs Pogodınmen júzik úshin shaıqasqa túskeli otyrsyń. Qarsylasyń týraly ne aıtasyń?
- Árıne, qarsylasym jaqsy, tájirıbeli jáne jeńilip kórmegen. Biraq men kez-kelgen nárseniń kiltin ashýǵa bolady dep oılaımyn. Birinshiden, Denıs óziniń úsh jekpe-jeginde de úsh raýndtan tolyq ótip kórgen joq, tolyq qashyqtyqtyń ne ekenin sezinbeı qaldy. Ekinshiden, onyń súıeneri –boks, ol judyryqtasýdan múldem basqa nárse. Klasıkalyq úlgidegi bokstyń bul jerde utary shamaly. Mende bári jaqsy bolady dep senemin jáne bul jekpe-jekte qarsylastan basym túserim anyq.
- Bul jekpe-jektegi býkmekerlerdiń koefısıentteri seniń paıdańa qoıylmaǵany qıtyǵyńa tıe me? Olimpbet saǵan 1.53, Pogodınge 2.34 upaı tigip, onyń jeńisin boljap otyr.
- Túk etpes! Men anderdog bolyp birinshi ret shyǵyp otyrǵanym joq. Ótken jekpe-jekte lıgada ótkizilgen alty jekpe-jektiń jalǵyz bireýinde zaldyń 80%-y meniń qarsylasymdy emes, meni qoldap otyrdy. Eger siz meniń burynǵy shaıqastarymdy kórgen bolsańyz, kórermender meni eshqashan qoldamaǵan bolatyn. Bul maǵan serpin berip, meni jigerlendirdi.
- Kórermender kózaıymyna aınalǵanyń týraly ne oılaısyń?
- Kópshiliktiń ózim týraly pikirlerin oqyp turamyn. Meni aqkóńil jigit dep sanaıdy. Men ózgeler týraly jaǵymsyz pikir aıtýdan aýlaqpyn. Qarsylasty mazaq etý, jekpe-jekten keıin judyryq silteý sıaqty las nárselerge arym jibermeıdi. Men eń aldymen sportshymyn, men úshin tártip – birinshi orynda.
- Osydan bir jyl burynǵy jáne qazirgi Adosty salystyratyn bolsaq, ne ózgerdi?
- Daıyndyǵym ózgerdi. Men bul komponentke muqıat qaraımyn. Men Denıs "Daýyl" Dýlamen jáne "Berserkpen" jekpe-jekterde shyńdalyp, jaqsy tájirıbe jınadym. Jalpy, bir orynda turmaımyn, óz qatelikterimnen sabaq alamyn, qazirgi ýaqytta júzik úshin shaıqasqa ábden daıynmyn.
#TDFC16 týrnıri 24 qyrkúıekte Sochıde (Krasnaıa polána) Red Arena alańynda, bas seriktes Olimpbet qoldaýymen ótedi, tikeleı efırdi Udar telearnasy júrgizetin bolady.
