«مەملەكەت باسشىسى «بابالارىمىز ەجەلگٸ زاماننان بەرٸ ۇلىس كٷنٸن جىل باسى رەتٸندە اتاپ ٶتكەن. قازٸر ەز-ناۋرىز كٷللٸ حالىققا ورتاق, جالپىۇلتتىق مەرەكەگە اينالدى. ونى ۇلتىنا, دٸنٸنە قاراماستان بارشا جۇرتىمىز ەرەكشە كٷتەدٸ, بٸرگە اتاپ ٶتەدٸ» – دەپ ايتقانداي, ناۋرىز – بارشا قازاقستاندىقتاردىڭ سٷيٸكتٸ مەيرامى. ول حالقىمىزدىڭ بولمىسى مەن دٷنيەتانىمىن, بٸرلٸگٸ مەن تاتۋلىعىن ايشىقتايتىن, ادامزاتقا ورتاق ٸزگٸلٸك قۇندىلىقتارىن دەرٸپتەيتٸن ەرەكشە كٷن» دەدٸ ايماق باسشىسى.
وبلىس ەكٸمٸ قۇتتىقتاۋ سٶزٸندە 11 ناۋرىزدا پرەزيدەنت قابىلداۋىندا بولعاندا مەملەكەت باسشىسى ٶڭٸردٸڭ ٶزەكتٸ مەسەلەلەرٸنە كٶڭٸل بٶلٸپ, تيٸستٸ تاپسىرمالار بەرگەنٸن جەتكٸزدٸ. پرەزيدەنتتٸڭ قولداۋىمەن سەمەي قالاسىندا وبلىستىق اۋرۋحانا, جاڭا تەاتر سالىنادى. سەمەيدەگٸ وقۋشىلار سارايىنىڭ قۇرىلىسىن اياقتاۋعا 8,6 ميلليارد تەڭگە قارجى بٶلٸنەدٸ.
«سونداي-اق, ۇلى ابايدىڭ 180 جىلدىعىنا تارتۋ رەتٸندە, ەلٸمٸزدٸڭ ەر ٶڭٸرٸ وبلىسىمىزعا سىيلىق جاساپ, ەلەۋمەتتٸك نىسانداردى جاڭارتۋ-جاڭعىرتۋعا كٶمەكتەسۋٸن ٶتٸنگەن ۇسىنىسىمىزدى ەل پرەزيدەنتٸ قولدادى. قازٸردٸڭ ٶزٸندە كەيبٸر وبلىستار ىقىلاسىن بٸلدٸرٸپ, حابارلاسا باستادى. بۇيىرسا بيىل جاز بويى سەمەي قالاسى ٷلكەن قۇرىلىس الاڭىنا اينالادى. مۇنىڭ بەرٸ ٶڭٸرٸمٸزدٸڭ ەڭسەسٸن كٶتەرٸپ, دامۋىن جەدەلدەتە تٷسپەك. اباي وبلىسى حالقىنىڭ قولداۋىمەن الدا تالاي اۋقىمدى جوبالاردى اتقارىپ, ٶڭٸردٸ بٸرگە كٶركەيتەمٸز دەپ سەنەمٸن. ٶڭٸرٸمٸز قاشاندا ۇلتتىق قۇندىلىقتاردى كٶز قاراشىعىنداي قاستەرلەپ, اتا دەسٷر مەن زامان دامۋىن ۇشتاستىرىپ كەلە جاتقان جاقسىلىققا قۇشتار, جاڭالىققا اشىق ايماق. ۇلى ابايدىڭ مەكەنٸ, ابايدىڭ ٸزگٸ جولىن جالعاستىرعان الاش ارىستارىنىڭ ورتالىعى بولعان قاسيەتتٸ جەر. ۇلىستىڭ ۇلى كٷنٸندە ەر شاڭىراققا قۇت-بەرەكە, اماندىق, ىرىس-نەسٸبە تٸلەيمٸن. ناۋرىزناما ونكٷندٸگٸ يگٸ باستامالارعا سەرپٸن بەرسٸن. ۇلىق مەيرام جاقسىلىعىمەن كەلٸپ, ەلدٸگٸمٸزدٸ نىعايتىپ, مەرەيٸمٸزدٸ ٶسٸرسٸن» دەدٸ ايماق باسشىسى.
ناۋرىز مەيرامىنا وراي وبلىس بويىنشا 300-گە جۋىق كيٸز ٷي تٸگٸلدٸ. ونىڭ 50-دەن استامى سەمەيدٸڭ ورتالىق الاڭى, قالانىڭ قاراعايلى, ەۋەزوۆ الاڭى مەن تەمٸرجول ۆوكزالى, سيليكات, تەرٸ-بىلعارى زاۋىتى اۋداندارى, شىعىس, بوبروۆكا جەنە يۋنوست كەنتتەرٸندە ورنالاستىرىلدى. ەر كيٸز ٷيگە اباي اۋىلى, شەكەرٸم اۋىلى, دوستىق اۋىلى, مەيٸرٸم اۋىلى, ٶنەرپازدار اۋىلى, رۋحانييات اۋىلى, بٸلٸم ورداسى, ارداگەرلەر اۋىلى, شاپاعات, جاسىل ەل, تابىس, بولاشاق, سەۋلەت, زاڭ مەن تەرتٸپ, اۋىلىم – التىن بەسٸگٸم, ب.مومىشۇلىنىڭ تۋعانىنا 110 جىل, ن.تٸلەنديەۆتٸڭ تۋعانىنا 100 جىل, ش.قالداياقوۆتىڭ تۋعانىنا 95 جىل, ٸ.ەسەنبەرليننٸڭ تۋعانىنا 120 جىل, ش.ەبەنوۆتٸڭ تۋعانىنا 125 جىل, ج.نەجٸمەدەنوۆتٸڭ تۋعانىنا 90 جىل, قر كونستيتۋتسييانىڭ 30 جىلدىعى دەگەن ارنايى اتاۋلار بەرٸلگەن.
22 ناۋرىز كٷنٸ مەرەكەلٸك شارالار وبلىستىڭ بارلىق اۋداندارى مەن قالانىڭ بارلىق شاعىن اۋداندارىن قامتىدى. سەمەي قالاسى ناۋرىزدى كەڭ كٶلەمدە اتاپ ٶتۋ ٷشٸن مازمۇندى باعدارلاما ەزٸرلەدٸ. ورتالىق الاڭدا قولٶنەر كٶرمەلەرٸ, ۇلتتىق ويىندار, سپورتتىق جارىستار, فوتوايماقتار دايىندالدى.
مەرەكەنٸڭ كٶركٸن كەلتٸرگەن شارانىڭ بٸرٸ – كومپوزيتور نۇرعيسا تٸلەنديەۆتٸڭ 100 جىلدىعىنا وراي جٷز جاس دومبىراشىنىڭ سازگەر شىعارمالارىن بٸر مەزگٸلدە ورىنداۋى. بۇل جۇرتشىلىققا مۋزىكا مەن تاريحي تاعىلىمعا تولى ەرەكشە اتموسفەرا سىيلادى.
سەمەيلٸكتەر مەن قالا قوناقتارى ورتالىق الاڭدا قازاقستاندىق ەسترادا جۇلدىزدارى «الاشۇلى», «مۋزارت» توبى مەن ە.قاشاۋباەۆ اتىنداعى مەملەكەتتٸك فيلارمونيياسىنىڭ, قالالىق مەدەنيەت سارايى ەنشٸلەرٸنٸڭ ٶنەرٸن تاماشالادى.
كەشكٸ باعدارلاما اياسىندا «الاشۇلى» توبى, «ەدەمٸ-اي» دۋەتٸ مەن قايرات نۇرتاس, جەرگٸلٸكتٸ ٶنەرپازدار ٶنەر كٶرسەتەتٸن بولادى.
