استاناداعى رەسپۋبليكالىق فيزيكا-ماتەماتيكا مەكتەبىنىڭ وقۋشىسى بورتە سايرانبەك قىزى الەمنىڭ ەڭ بەدەلدى ۋنيۆەرسيتەتتەرىنىڭ ءبىرى — Harvard University-گە وقۋعا ءتۇستى، دەپ حابارلايدى Dala News.
بورتە مەكتەپتە 6-سىنىپتان باستاپ ءبىلىم الىپ، وقۋ بارىسىندا Advanced Placement (AP) باعدارلاماسىنا قاتىسقان. ول 10-سىنىپتان كەيىن-اق جەتى AP ەمتيحانىن تاپسىرىپ، AP International Diploma يەگەرى اتاندى.
وقۋشى قازاق، ورىس، اعىلشىن تىلدەرىن ەركىن مەڭگەرگەن، سونداي-اق جۇڭگو ءتىلىن وقىپ ءجۇر. حالىقارالىق ەمتيحانداردان — SAT، IELTS، CAE، HSK — جوعارى ناتيجە كورسەتكەن.
بىلىممەن قاتار، ول عىلىمي جوبالارعا قاتىسىپ، الەۋمەتتىك جانە شىعارماشىلىق باستامالاردا بەلسەندى بولعان. ءوز سوزىنشە، گارۆاردقا ءتۇسۋ — جۇيەلى دايىندىق پەن جوعارى موتيۆاسيانىڭ ناتيجەسى.
ايتا كەتەيىك، Harvard University 1636 جىلى قۇرىلعان جانە اقش-تاعى ەڭ كونە جوعارى وقۋ ورنى سانالادى. ول الەمنىڭ ەڭ ۇزدىك ۋنيۆەرسيتەتتەرىنىڭ ءبىرى رەتىندە تانىلعان.
