Instagram ارقىلى جاسالعان الاياقتىقتان 121 ادام زارداپ شەگىپ، 9 ملن تەڭگەگە جۋىق شىعىن كەلگەن، دەپ حابارلايدى Dala News.
قىزىلوردا وبلىسى پروكۋراتۋراسىنىڭ مالىمەتىنشە، 31 جاستاعى ازامات 2024 جىلى جالعان پاراقشا اشىپ، ادامدارعا «اقشانى ەسەلەپ قايتارامىن» دەپ ۋادە بەرگەن.
ول جابىرلەنۋشىلەردىڭ قاراجاتىن 1XBETKZ بۋكمەكەرلىك كەڭسەسى مەن Wooppay Wallet ارقىلى يەمدەنگەن.
ناتيجەسىندە رەسپۋبليكا بويىنشا 121 ازامات الدانىپ، جالپى شىعىن شامامەن 9 ملن تەڭگەنى قۇراعان.
2025 جىلعى 19 قاراشاداعى سوت ۇكىمىمەن كۇدىكتى 3 جىلعا باس بوستاندىعىن شەكتەۋ جازاسىنا سوتتالعان.
سوت بارىسىندا ول كىناسىن تولىق مويىنداپ، كەلتىرىلگەن شىعىندى وتەگەن. وسىعان بايلانىستى وعان باس بوستاندىعىنان ايىرۋ جازاسى تاعايىندالماعان.
قازىرگى ۋاقىتتا سوتتالعان پروباسيالىق باقىلاۋدا جازاسىن وتەپ جاتىر.
