Instagram arqyly jasalǵan alaiaqtyqtan 121 adam zardap shegip, 9 mln teńgege jýyq shyǵyn kelgen, dep habarlaidy Dala News.
Qyzylorda oblysy prokýratýrasynyń málimetinshe, 31 jastaǵy azamat 2024 jyly jalǵan paraqsha ashyp, adamdarǵa «aqshany eselep qaitaramyn» dep ýáde bergen.
Ol jábirlenýshilerdiń qarajatyn 1XBETKZ býkmekerlik keńsesi men Wooppay Wallet arqyly iemdengen.
Nátijesinde respýblika boiynsha 121 azamat aldanyp, jalpy shyǵyn shamamen 9 mln teńgeni quraǵan.
2025 jylǵy 19 qarashadaǵy sot úkimimen kúdikti 3 jylǵa bas bostandyǵyn shekteý jazasyna sottalǵan.
Sot barysynda ol kinásin tolyq moiyndap, keltirilgen shyǵyndy ótegen. Osyǵan bailanysty oǵan bas bostandyǵynan aiyrý jazasy taǵaiyndalmaǵan.
Qazirgi ýaqytta sottalǵan probatsiialyq baqylaýda jazasyn ótep jatyr.
